Warbixin kasoo baxday Hay’adda Xasaradaha Adduunka ee (International Crisis Group) ayaa lagu sheegay in DFS ee fadhigeedu yahay Muqdisho iyo Kooxda argagaxisada ah ee Al-Shabaab ay isku awooddo noqdeen, uuna ku guuldareystay maamulka Xassan Shiikh in uu horu socod ka sameeyo dagaalka Al-Shabaab.
International Crisis Group ayaa xustay in DFS iyo Al-Shabaab ay isku barbar dhaceen, uusana jirin dhinac faa’ido ka sameeyay dagaalladii dhacay ee ku bilowday kacdoonkii Beesha Xawaadle.
Waxay sheegtay in Al-Shabaab dib u qabsatay deegaano badan, ayna burbureen ciidamada dowladda iyo maleeshiyaadka macawisleyda.
Hay’adda Xasaradaha Adduunka ayaa soo jeedisay in Soomaaliya ay gasho doorasho, kaddibna la aado jid wada-hadal, maadama aysan muuqan ifafaalo muujinaya in DFS ay ka guuleysan karto Al-Shabaab.
“Haddii Soomaaliya ay ka gudubto waxa u muuqda inuu noqon doono wareeg doorasho oo kale oo aad loogu muransan yahay sanadka 2026, maamulka cusub wuxuu fursad u heli doonaa inuu dib u eego wax ka qabashada Al-Shabaab. Si taas loo gaaro, dowladda doorashada kadib waa inay xoogga saartaa xoojinta ciidamada, oo ay ku jirto hagaajinta barnaamijyadeeda tababarka, iyo hubinta inay qalabeyn karto oo ay lacag siin karto askar cusub. ”
“Muqdisho waa inay sidoo kale sii xoojisaa dadaalkeeda ku aaddan sidii ay dowladaha xubnaha ka ah federaalka ula jaan qaadi lahayd qorshayaasha looga hortagayo Al-Shabaab, iyadoo bogsiinaysa kala-goysyada ka hor istaagaya iskaashiga. Laakiin ismari-waaga goobta dagaalka waa dhibaatada maanta. Xal siyaasadeed oo keliya ayaa joojin kara dagaalkan si kama dambays ah. Dowladda Soomaaliya waa inay hadda dhigtaa saldhig wadahadallo ugu dambeeya oo ay la yeelato Al-Shabaab, iyadoo sidoo kale yareyneysa dhibaatooyinka rayidka iyadoo dhiirigelinaysa ururada samafalka inay gargaar dheeraad ah gaarsiiyaan dhulka ay Al-Shabaab haysato.”
https://www.crisisgroup.org/brf/africa/somalia/b212-new-chapter-same-stalemate-somalias-war-al-shabaab
IDILNEWS