Maamulka muddo dhaafka ah ee uu hoggaaminayo Xassan Shiikh Maxamuud – ayaa xisbi siyaasadeed u aqoonsaday kooxda argagaxisada ah ee Al-Shabaab.
Wasiirka Gaashaandhigga xukuumadda muddo dhaafka, Axmed Macalin Fiqi ayaa sheegay in dalka (Koonfurta Soomaaliya) ay isku haystaan xisbiga Xassan Shiikh JSP iyo kooxda Al-Shabaab.
“Labada xisbi ee isku heysta Dalka waa Al-Shabaab iyo JSP, inta kale waa rooti” ayuu yiri Fiqi.
Tan ayaa dood adag ka dhalisay baraha bulshada – iyadoo u muuqata halis Qaran oo Soomaaliya kusoo food leh. Xubno maamulka Xassan Shiikh katirsan ayaa horrey si bareer ah u muujiyay in Al-Shabaab u yaqaanaan urur siyaasadeed, iyagoo ka duwaya in kooxdan ay tahay argagaxiso caalami ah oo halis ku ah Soomaaliya iyo dalalka gobolka.
IDILNEWS