Author: Jibril Qoobey.

Madaxweyne-ku-xigeenka Xisbiga Barwaaqo Mudane Aadan Faarax ayaa sheegay in qiimeyn uu xisbigu sameeyay masuuliyaddii ay hayeen lagaga xayuubiyay 2 kun iyo 574 masuul. Mudane Aadan Farax ayaa bixiyay war-saxaafadeed ku qotoma geeddi-socodka u dhaxeeyay kal-fadhigii hordhaca ahaa illaa shir-weynihii 1aad ee xisbiga ee qabsoomay. War-saxaafadeedka ayuu ku sheegay in qiimeyn lagu sameeyay 108 kun 258 masuuliyin ah, waxaana laga tallaabo qaaday 10 kun 658. Waxaana xilkooda laga xayuubiyay 2 kun 574 ka mid ah 10 kun iyo 658da masuul ee laga tallaaba qaaday. Masuuliyiinta dhimman ayuu sheegay madaxweyne-ku-xigeenku in la siiyay digniino culculus iyo kuwa fudfudud. SRTV Somali

Bannaan-baxyo looga soo horjeedo gooni goosadka,ayaa ka dhacay bannaanka xarunta Heritage ee magaalada Washington oo uu khudubaddu ka jeediyey Madaxweynaha Somaliland Muuse Biixi. Banaanbaxyada,ayaa waxaa dhigay Dad taageeraya midnimada Somaliya,hoos ka daawo muuqaalka. Halkan ka daawo muuqaalka

Safiirka Maraykanka,ayaa Waraysi uu siiyay Garowe Online kaga gadlay mowqifka Dowlada Maraykanka ee qadiyada gooni goosadka Gobolada Waqooyi ee Somaliya. “Waan xushmeynaa guulaha Gobolka Somaliland, marka ay noqoto maamulka dimuqraadiyadda, horumarka dhaqaalaha iyo ammaanka. Waxaan mas’uuliyiinta Somaliland kala shaqeynaa hadafyada aan wadaagno, si la mid ah sidaan ugala shaqeyno maamullada kale ee federaalka,”Ayuu yiri Safiirku. Dowladda Mareykanka waxay aqoonsan tahay madax-banaanida iyo sharafta dhuleed ee Jamhuuriyadda Federaalka Soomaaliya ee xuduudaheeda taariikhiga ah oo ay ku jirto Somaliland,”Ayuu yiri. Waxaan su’aasha maqaamka Somaliland u aragnaa arrin u taalla shacabka Somaliyed oo ay ku jirto Somaliland inay go’aan ka gaaraan.” Waa albaabkii…

Waaxda Arrimaha Dibedda Mareykanka,ayaa sheegtay in Somaliland ay qeyb ka tahay hal siyaasadeed oo Mareykanka u u ku wajaho Somaliya. Hadalkan,ayaa yimid ayada oo Washington uu booqasho ku joogo madaxweynaha Somaliland Muuse Biixi Cabdi, oo ay casuuntay hay’adda daraasaadka siyaasadda ee Heritage Foundation. Hadalkan,waxuu niyad jab ku yahay dadaalka Muuse Biixi uu ku raadinayo fursad ictiraaf. Sidoo kale waji gabax,ayuu ku noqday socdaalka Lacagta badan ku baxday ee Muuse ku joogo Washington. Waxaan soo dhoweynay fursadda aan kula kulmay maanta Muuse Biixi Cabdi oo aan uga wada-hadalnay xoojinta la macaamilka Mareykanka ee Somaliland ayada oo la raacayo siyaasaddeena midda ah…

Taliyaha Ciidanka Asluubta Somaliya Jeneraal Mahad Cabdiraxmaan Aadan,ayaa kusoo baxay doorasho ka dhacday Magaalada Baydhabo. Waxaa kursigan sanadihii lasoo dhaafey ku fadhiyey Madaxweynaha Koonfur-Galbeed Cabdicasiis Xasan Maxamed Laftgareen.

Maanta Waxaa Magaalada Baydhabo lagu soo gabagabeynayaa doorashada kuraasta Golaha shacabka ee Barlamaanka Soomaaliya ee deegaan doorashadooda tahay Koonfur Galbeed gaar ahaan magaalooyinka Baydhabo iyo Baraawe . Saacadaha soo socda ee maanta Talaadada ah Waxaa la qabanayaa 7 kursi ee ku harsaneyd deegaan doorashada koowaad ee Magaalada Baydhabo, Waxaa horey tartankooda loo qabtay 62 kursi, 7-da maanta hadii loo geeyo waxay ka dhigan tahay in 69 kursi ee taaley Koonfur Galbeed lasoo gaba gabeeyey . Kuraasta maanta lagu tartamayo waxaa ku jira HOP 172 kaas oo sanadihii lasoo dhaafey ku fadhiyey Madaxweynaha Koonfur Galbeed, waxaana loo xirey Taliyaha ciidanka Asluubta…

Waxaa Burtinle lagu daahfuray dayactirka jid leexadka Jalam- Burtinle. 20-km oo Jid leexad ah oo ay dhistay Hay’adda Waddooyinka Puntland sanadkii 2016,ayaa loogu talagalay in ay isticmaalaan Gaadiidka inta laga dhamaynayo dhismaha Wadada Laamiga ah ee Dheer. Dayactirkan,waxaa fulinaysa Hay’ada Wadooyinka Puntland,hoos ka daawo muuqaalka. Halkan ka daawo muuqaalka

Dhismaha Xafiiska Xisbiga Barwaaqo oo ay ku baxday lacag dhan 895-Milyan oo Birr,ayaa xarigga laga jaray Maanta. Dhismaha ayaa ku fadhiya dhul bedkiisu dhan yahay 4,700 oo karamitir. Xafladda xarig-jarka Xaafiiska Guud ee Xisbiga Barwaaqo waxaa ka soo qeyb-galay Madaxweynaha Xisbiga, ku-xigeennada iyo Xubnaha Golaha Dhexe. Dhismaha ayaa ka kooban Sagaal dabakh ama oo isugu jira Xaafiisyo iyo Hoolalka shirarka. Lacagta ku baxday dhismahan,ayaa lagu sheegay in ay tahay qaaraan laga ururshay xubnaha iyo taageerayaasha Xisbiga.

Gudddiga KMG Doorashooyinka Puntland ee TPEC,ayaa ka qaybgalay kulan ay Hey’adda PDRC kusoo bandhigeen daraasad ku saabsan casharadii laga bartay doorashadii hordhaca ahayd ee 25-ka Oktoobar. Xog-ururintan oo soo bandhigideeda ay kasoo qaybgaleen dhamaan dhinacyada ay khusayso Doorashadu ayaa sharraxaysay qaabkii ay u dhacday doorashadii horudhaca ahayd iyo dhammaan wixii dhacay 25-kii Oktoobar oo ahayd maalintii doorashada. Gudoomiye ku xigeenka TPEC Ali Cali Jaamac Faarax iyo Afhayeenka Guddiga Cabdinuur Sheekh Isxaaq ayaa PDRC uga mahadceliyay xogta ay soo bandhigeen waxayna kula taliyeen inay ku darsadaan talo soo jeedinta daneeyayaasha geedi socodka dimoqraadiyadda Puntland ee kasoo qaybgalay kulanka.

Cumar Maxamuud Cad Libaax ayay kuu ogol yihiin ee ugolow mid Bisadeed Deniyoow. Haldoorka Beesha oo in badan aan ka waraystay aragtidooda ku aadan hanka Deni ee Xamar waa ku faraxsan yihiin oo ma diidana. Fuli heshiiskii aad la gashay oo umadax banee matalaadooda,iyagaa codka farta kaa saarayee !! Hadaad diid oo aad u isticmaashid Maah-maahdii ahayd “Ninkaad xumaynayso Doqontiisaa la Boqraa” ku dhaqaaq,waxaad ka hesho waxba hanaga siin. Mudo xileedka ku fadhiya sharciyada aan dhiganay,ayaa macno kuu yeelaya Deniyoow !! Islaan Bashiir oo fadhiya meel kuu jirta 500-Mitir hadaad ilhaamaysato,waxaa khasab ku ah ilaa Xamar in ay kaala dagaal…

Guddoomiyaha Golaha Wakiillada Mudane, Cabdirashiid Yuusuf Jibriil oo ay weheliyaan Guddoomiye ku-xigeenka 1-aad Mudane, Cabdicasiis Cabdullaahi Cismaan iyo Guddoomiye ku-xigeenka 2-aad Mudane, Ismaaciil Maxamed Warsame ayaa maanta shir-guddoomiyey Fadhiga 9-aad ee Guddiga joogtada ah. Fadhiga maanta Guddigu wuxuu uga doodey ansixinta iibka dhulka degmada Garoowe oo Xukuummaddu u soo gudbisey Golaha Wakiillada. Dood iyo falan-qeyn dheer ka dib, Guddigu waxay go’aamiyeen in la horkeeno ansixinta iibka dhulka degmada Garoowe, Kalfadhiga 50-aad ee Golaha Wakiillada Dawladda Puntland, oo furmi-doona 15 Juune, 2022, haddii Alle Idmo. DHAMMAADXafiiska Warfaafinta & Wacyi-gelinta,Golaha Wakiillada Dawladda Puntland

Mareykanka ayaa sheegay in Shiinaha uu cawaaqib xumo waa haddii uu Ruushka ka caawiyo duulaanka uu ku qaaday Ukraine, sida ay ku warrantay warbaahinta Mareykanka. Saraakiil aan magacooda la sheegin ayaa lagu soo waramayaa inay u sheegeen qaar badan oo ka mid ah warbaahinta Mareykanka in Ruushka uu ka codsaday Shiinaha inuu siiyo kaalmo militari ka dib markii uu bilaabay duulaanka. Safaaradda Shiinaha ee Mareykanka waxay sheegtay in aanay ka war heyn arrintani. Digniintan ayaa ku soo beegantay ka hor shir maanta oo Isniin ah ka dhacaya magaalada Rome ee u dhaxeeya madaxda ugu sarreysa Mareykanka iyo Shiinaha. Saraakiisha ayaa…

Wuxuu yiri Abiye Axmed ooXukuumada Deegaanka Somalida ka hadlaya.. Xukuumada Deegaanka Somalida,ayaa lacagta musuq ah Wajaale ka talaabisa !.Xukumada Deegaanka Somalida ayaa Shidaalka Xuduudka ka talaabisa !.Deegaanka Somalida biyo la’aani kama jirto ee maamul xumo ayaa ka jirta !. Somalidu waa Dadka ugu horeeya ee ka faa’iday PP.,Somalida anagu ma faragelino oo Mustafaa xukuma. Hadalkan,ayaa ku ah waji gabax hogaaminta Madaxweyne Mustafe oo ku faana in u hirgeliyay nidaam Dowladeed oo hufan.

Madaxweynaha Ruushka Vladimir Putin,ayaa jawaab ka bixiyay hadalkii dhiggiisa Mareykanka Joe Biden uu ka sheegay wareysi lala yeeshay, kaas oo ahaa inuu Putin u arko “Dilaa”. “Waa inuu qofku barto kan kale,” Mr Putin ayaa ka yiri telefishin Ruushka laga leeyahay, wuxuuna Mr Biden ugu baaqay inuu si toos ah ula hadlo. Mr Putin ayaa diiday eedeymaha ah in waaxihiisa ammaanka ay isku dayeen inay dilaan siyaasiga mucaaradka ah ee Alexei Navalny. Ruushka ayaa u yeeray safiirkiisa si uu ugala hadlo in laga hortago in xiriirka uu sii xumaado. Dowladda Ruushka ayaa sheegtay in Anatoly Antonov lagu wargeliyay inuu ka…

Madaxweynaha Mareykanka,ayaa telefishinka ABC News u sheegay in Mr Putin uu “Uaayi doono” faragelinta la sheegay in uu ku sameeyay doorashadii Mareykanka ee 2020. Mr Biden,ayaa ka hadlayay warbixinta sirdoonka Mareykanka oo lagu sheegay in Mr Putin uu amray olole faragelin ah, doorashadii madaxtinnimada Mareykanka bishii Novermber ee sanadkii hore. Warbixinta,ayaa Ruushka ku eedeyneysa in uu isku dayay faragelinta doorashada isaga oo u xaglinaya Madaxaweynihii hore ee Jamhuuriga Donald Trump, oo uu ka adkaaday Mr Biden, oo Dimuqraaddiga ka tirsan. Mareykanka,ayaa la filayaa in uu cunaqabateynno ku soo rogo Ruushka wixii loo gaaro toddobaadka soo socda, sababo la xiriira warbixintan.

Iiraan,ayaa digniin culus u dirtay Israel kaddib markii ay gantaaladeeda ridada dheer ee baalistiga ah ku weerartay Kurdistaan. Ciidamada Ilaalada Kacaanka Iiraan (IRGC) ayaa sheegtay mas’uuliyadda gantaalo baalistig ah oo xalay lagu duqeeyey magaalada Erbil, oo ah caasimadda Ismaamulka Kurdiga ee dalka Ciraaq ee Kurdistan. Ku dhowaad ​​10 gantaal ayaa magaalada ku soo dhacay 1-dii habeenimo, waxaana gantaalada lala beegsaday dhismaha cusub ee Qunsuliyadda Maraykanka ee magaalada erbil Iiraan waxa ay sheegtay in ay bartilmaameedsatay xarun istiraatijiyadeed oo lagu maleego shirqoolka iyo xumaanta Sahyuuniyadda waxaa lagu beegsaday gantaallo shiish saxan leh oo xooggan oo ay rideen Ilaalada Kacaanka Islaamiga ah.…

Waxuu ka degay qaybta Dadka caadiga ah ee Garoonka mana la siin maqaam gaar ah oo xataa gaarsiisan Diblomaasi heerkiisu hooseeyo. Looma dhigin Roogii casaa,lagama dejin qaybtii VIP-da,mana soo dhaweyn Wasaarada Arimaha Dibada Maraykanka. Dad yar oo koox ah,ayaa usoo dhaweeyay sidii Qof ehelkooda ah oo uyimid,hoos ka daawo muuqaalka. Halkan ka daawo muuqaalka

Madaxweynaha Dowladda Puntland Mudane Siciid Cabdullaahi Deni, ayaa Qasriga Madaxtooyada ku qaabilay Xildhibaan Layla Cali Cilmi, oo ka tirsan Baarlamaanka dalka Sweden.

Xoogaa yar oo shacab Beeshiisa ah,ayaa kusoo dhaweeyay Maraykanka Muuse Biixi. Habayaratee ma helin wax maqaam ah oo Diblomaasi,taasoo cadaynaysa in aysan Dowlada Maraykanku waxba ka ogayn safarkiisa. Marka la qiimeeyo Madaxda Somalida ee Dalkaas tagta Muuse,waxuu noqonayaa kii ugu maqaam hooseeyay. Jibril Qoobey.

Wiilkaan dhintay allaha u naxariisto janadiina haka waraabiyo. Maantaa iigu horeysay Warqad noocaan oo kale ah 5-tii sano ee lasoo dhaafay intii qarax lagu dilay intii Dad la laayay iyo intii musiibo rabaaniya ku dhimatayba iyadoo loo tacsiyaynayo ma arag. Waa Geeridii ugu horeysay ee uu Madaxwaynuhu la kulmo 5-tii sano ee la soo dhaafay. Marka Madaxweynaha si weyn haloogu Tacsiyeeyo. Qore:-Oday Somaliyed.

Madaxweynaha Mareykanka, Joe Biden, ayaa xaqiijiyay in iska horimaad toos ah oo dhexmara gaashaanbuurta NATO iyo Ruushka uu ka dhalan doono dagaalkii saddexaad ee adduunka. “Waxaan rabaa in aan caddeeyo: Waxaan ilaalin doonaa gobol kasta oo NATO ah in uu lahaado leh awood buuxda oo isku dhafan oo la xoojiyay” ayuu yiri Biden. “Laakiin ma qaadi doono dagaal ka dhan ah Ruushka oo duulaan ku qaaday Ukraine, iska horimaad kasta oo toos ah oo dhexmara NATO iyo Ruushka wuxuu noqon karaa dagaalkii 3-aad ee aduunka” Biden ayaa marar badan diiday inuu u diro ciidamo Maraykan ah si ay isaga hor…

Baaritaano militari ayaa lagu ogaaday hoggaan xumo, tababar aan ku filneyn iyo “dhaqan is hooseysiin ah” oo ka dhex jira ciidamada Mareykanka uu wiiqay dadaalladii lagu doonayey in lagaga hortago weerar ay sanadkii 2020-kii lagu qaaday saldhigga Manda Bay ee ciidamada Mareykanka ee Kenya. Weerarkaas oo ay fuliyeen maleeshiyo ku sugan Kenya ayaa lagu dilay saddex qof oo Mareykan ah, waxaana sheegtay kooxda Al-Shabaab. Xogta baaritaanka ayaa waxaa wakaaladda wararka ee AP la wadaagay saraakiisha Mareykanka ee baaritaanka la socda kahor inta aan la sii deyn natiijada.

Golaha Wasiirrada Soomaaliya oo maanta isugu yimid shir uu guddoominayay Ra’iisul Wasaare Maxamed Xuseen Rooble ayaa lagu ansixiyey miisaaniyad KMG ah oo dhan $206,474,223. Qoraal kasoo baxay xafiiska ra’iisul wasaaraha ayaa lagu sheegay in miisaaniyaddan deg deg ah loo qoondeeyey howl fulinta dowladda ee bilaha April ilaa June ee sanadkan. “Wasiirka Maaliyadda Cabdiraxmaan Ducaale Beyle ayaa golaha wasiirrada u soo bandhigay Miisaaniyadda KMG ah oo faahfaahsan una sharaxay muhiimada ay u leedahay dalka, iyadoo goluhu si buuxda leh u meel mariyay miisaaniyadda rubaca labaad ee sanadka, si aysan hakad u galin howlaha dowladda, maadaama dalku ku jiro doorashooyin,” ayaa lagu…

Xildhibaan Cabdiraxman Maxamed Xuseyn Odowaa,ayaa lagu doortay Magaalada Gaalkacyo qaybteeda Koonfureed. Kursiga tirsigiisu yahay HOP#069 oo uu uga tanaasulay tartankiisa Wasiir ku xigeenka Warfaafinta Fadaraalka Alcadaala,ayuu kusoo baxay Odowaa. Odowaa,ayaa markale qeyb ka noqon doonaa Golaha Shacabka ee Baarlamanka Fadaraalka Soomaaliya 4-ta sano ee soo socota.

Dowladda Ukraine ayaa shaaca ka qaadday in ciidankeeda ay adeegsadeen diyaaradaha uusan duuliyaha saarneyn ee uu ka iibiyay Turkiga, arrintaas oo xukuumadda Ankara ay u muuqatay in ay qarineysay. Warbixin uu daabacay wargeyska Financial Times ee kasoo baxa dalka Britain ayaa lagu sheegay in militeriga Ukraine ay Ruushka isaga caabiyeen diyaaradaha lagu magacaabo Bayraktar, oo Turkiga ay ka heleen, iyagoo mahad celin weyn u jeediyay Turkiga. Ciidamada Ukraine ayaa isticmaalka diyaaradahan u bogay, waxayna gaadheen heer ay sameystaan hees ay ku sheegayaan sida ay awood ugu yeesheen in ay jabiyaan askarta Ruushka ee duulaanka soo qaaday, sida uu wargeysku ku…

Saraakiisha ammaanka ee dalka Ciraaq ayaa sheegay in 12 gantaal oo ah nooca balistitikada ah lagu garaacay magaalada woqooyiga Ciraaq ku taala ee Erbil. Gantaaladan ayaa ku dhacay agagaarka Safaraaradda Mareykanka ee kutaala Ciraaq. Saraalkisha Mareykanka ayaa sheegay in wax dhibaato ah aysan gaarin dhismaha Safaraadda dhismaha Safaaradda. Telifeshen afka Kurdhishka ku hadla ayay dhibaato kasoo gaartay balse wax dhimasho ah weli lama soo sheegin. Saraakiisha Mareykanka ayaa sheegay in weerarkaa uu ka yimid dhinaca Iran.

Ilaalada Kacaanka Islaamiga ah ee Iran ayaa sheegay inay gantaalo ku beegsadeen “xarun istaraatiiji ah” oo Israel ay ku leedahay Iraq kadib markii mas’uuliyiinta Kurdish-ka ay ku warrameen weerar gantaallo oo ka yimid xuduudda. “Xarun istaraatiiji ah oo loogu talo-galay shirqoollada iyo xumaanta Sahyuuniyadda ayaa waxaa gantaallo la hagayey oo xooggan ku beegsaday Ilaalada Kacaanka Islaamiga ah,” ayaa lagu yiri bayaan lagu daabacay Sepah News, oo ah website-ka rasmiga ah ee Ilaalada. Goor sii horeysay, ciidamada ammaanka gobolka Kurdistan ee Iraq ayaa sheegay in “toban gantaal oo ballistic” ah lagu beegsaday magaalada waqooyi ee Arbil, oo ay ku jiraan xarumo…

Wasiirka Wasaaradda Horumarinta Haweenka iyo Arrimaha Qoyska Puntland Marwo Aamina Cismaan Xaaji oo uu weheliyo Agaasimaha Guud Maxamed Abdirisaaq Nuux,ayaa wax ay maanta Xafiiska wasiirka ku qaabishay Madax ka socday Haya’dda EUCAP Gaar ahaan Xafiiskeeda Puntland. Wax ayna ka wada hadleen sidii wax looga qaban lahaa Arrimaha ku saabsan tacadiyadda ka dhanka haweenka iyo Gabdhaha yar yar. Intaas kadiba Agaasimaha guud iyo Madaxdda Hay’adda EUCAP ayaa wax ay kormeer ku tageen xarunta dabd-baadadda Haweenka ee (GBV save house And Shelter) ee Wasaaradfa Haweenka.

Madaxweynaha Dowladda Puntland Siciid Cabdullaahi Deni, ayaa qasriga Madaxtooyada Dowladda Puntland ee Garoowe ku qaabilay, Wefti ay hoggaaminayso Ku-xigeenka Ergayga gaarka ah ee Qaramada Midoobey u qaabilsan Soomaaliya Marwo Anita Kiki Gbeho iyo Wafti ay hoggaaminayso. Waftiga uu maanta qaabilay Madaxweynuhu waxaa ka mid ah Wakiilka Midowga Europe ee Soomaaliya Tiina Intelmann, Wakiilka Midowga Africa ee Soomaaliya Ambassador Francisco Madeira, Ku-xigeenkiisa Fiona Lortan iyo Ibraahim Maxamed Cabdi oo ka socda IGAD. Kulanka,ayaa looga hadlay guud ahaan xaaladda Soomaaliya gaar ahaan Doorashadda iyo Abaaraha, waxaana Madaxweynaha Kala qeybgalay Wasiirada Wasaaradaha Arrimaha Gudaha, Qorsheynta, Shaqada iyo Shaqaalaha iyo Agaasimaha Guud ee Madaxtooyada…

Mid kamida ergadii Soomalida ayaa maanta su’aal ka keenay Barnaamijka siyaasadeed ee Barwaaqo,wuxuuna soo jeediyay in lagu noqdo siyaasadda xoolla dhaqatada ku wajahan. Abiye Ahmed oo arrintaas daba socda ayaa Soomalida usoo jeediyay arrimahan hoose: ⤵️ 1.Soomalidu inay midnimo la timaado,wuxuuna xusay inay is kala qaad-qaado(Ciise & Ogaaden). 2.Maamulka Soomalidu inuu bulshada addeeg fiican siiyo.Abiye Ahmed,wuxuu sheegay inay hayaan xog tibaaxaysa inaan si hufan dadka loogu addeegin. 3.Abiye Ahmed ayaa Soomalida usoo jeediyay inay xadidaan musuqa/tuugganimada(Dhanka maamulka). VOSS TV

Muuse Biixi tagidiisa Maraykanka,waxaa ka danbeeya Koox olelayaal ah oo Lacag badan ku qaatay socdaalkaas. Kooxda,ayaa galgal ku dhex leh xarumaha Dowladeed ee Maraykanka,waxayna isku dayayaan in ay waxuun udhaqaajiyaan Muuse. Balse Dowlada Maraykanku wax shaqo ah kuma laha socdaalkiisa. Basaboorka uu isticmaalayo ee loo saaray Visa-ha waa kan Diblomaasiga Jabutiyaan oo ay Dowlada Maraykanku aqoonsan tahay. Somalida ku nool Maraykanka waa in ay kala hor tagaan Mudaahaaraadyo looga soo horjeedo kala goynta Somaliya. Somaliya waa mid. Jibril Qoobey.

Ciidanka Booliska Gobolka Mudug,ayaa gacanta ku Soo dhigey Gacan ku dhiigle Mowliid Maxamuud Nur (ina cana booro) oo Galabta ku dilay Labo Nin oo lagu magacaabo Axmed Raawe iyo Maxamud Siciid Muuse. Mowliid Caana boore,ayaa ahaa Dadka ku dhex jira ka Ganacsiga Maandooriyaha khamriga. Maxkamada Darajada Koobaadn,ayaa horey Xukun ugu riday. Ugu danbayn Ciidanka Booliska Puntland Qaybtiisa Mudug,ayaa Gacan ku dhiigle Mowliid Caana Booro Galabta Gacanta kusoo dhigay. Jibril Qoobey.

Madaxweyne ku xigeenka Dawladda Puntland Axmed Cilmi Cismaan,ayaa caawa kulan la qaatay Isimada iyo Nabadoonada gobolka Mudug oo uu hogaaminayo Islaan Bashiir Islaan Cabdulle. Wuxuuna si weyn ugaga mahadceliyey Isimada iyo Nabadoonada doorkooda wanaagsan ee ay ka qaataan nabada iyo horumarka Puntland, gaar ahaan Gobolka Mudug,hoos ka daawo muuqaalka. Halkan ka daawo muuqaalka

Shan Qof,ayaa dhintay saddex kale, oo uu ku jiro nin u dhashay dalka Shiinaha, dhaawacmay ka dib markii rag hubeysan ay weerar gaadmo ah ku qaadeen goob uu dhisme ka socday oo ku taalla gobolka xeebta ah ee Kenya, sida ay booliisku ku warrameen. Weerarka ayaa Jimcihii ka dhacay gobolka Lamu oo ku dhow xadka Soomaaliya. Shaqaalaha ayaa markii la weerarayay ka shaqeynayay dhismaha buundada Dekedda Lamu ku xireysa Suudaanta Koonfureed iyo Ethiopia. “Afar qof ayaa qaba dhaawac daran,” ayay warisay wakaaladda wararka ee AFP oo soo xiganaysa warbixinta ay booliisku ka diyaariyeen weerarka. Warbixinta ayaa sheegeysa in qof saarnaa…

Beesha caalamka,ayaa wada cadaadis ku aadan in aan la shaacin kuraasta Garbahaarey. Sidoo kale RW Rooble,ayaa laba wajiileynaya oo Musharaxiin Beeshiisa ah ushaqaynaya,maadaama damac kaga jiro Kuraasta in ay xubno ku yeeshan. Sidaa daraadeed,waxaa macquul ah in dib u dhac ku yimaado shaacintii Goobta loo wareejiyay Doorashada Xildhibaanada Garbahaarey ku astaysnaa. Jibril Qoobey.

Galinkii dmabe ee Arbacada, oo ay taariikhdu ku beegneyd, March 9, 2022, ayuu si lama filaan ah gantaalkaas ugu dhacay magaalada Mian Channu ee hoos tagta maamulka degmada Khanewal ee dalka Pakistan. Dadka deegaanka ayaa arkay shey xawaare aad u dheereeya ku socday oo ku dhacay dhulka, wararkii ugu horreeyay ee soo baxayna waxay sheegayeen in diyaarad khaas ah ay halkaas ku burburtay. Goor dambena, Maj. Babar Iftikhar, oo ah Agaasimaha Guud ee Waxada militeriga u qaabilsan dhinaca xiriirka dadweynaha ayaa shir jaraa’id oo uu u qabtay warbaahinta ku sharraxay sida ay wax u dhaceen, isagoo sheegay in “shey xawaare…

Wasaaradda arrimaha dibadda ee Ukraine ayaa Sabtida maanta ah sheegtay in masjid ku yaalla magaalada dekedda leh ee Mariupol ee koonfur-bari dalkaasi oo gabbaad ay ka dhiganayeen ilaa 80 qof oo rayid ah ay duqeeyeen ciidamada Ruushka, sida ay warisay wakaaladda wararka AFP. “Masjidka Sultan Suleyman the magnificent (Suldaan Suleymaan Al-Qaanuuni) iyo xaaskiisa Roxolana (Hurrem Sultan) ee Mariupol ayay Ruushku duqeeyeen. In ka badan 80 qof oo isugu jira dad waaweyn iyo caruur oo ay ku jiraan muwaadiniin u dhashay Turkey ayaa gabbaad ka dhiganayay” ayay Twitter-ka ku qortay wasaaradda arrimaha dibadda ee Ukraine. Wasaaradda ayaan sheegin goorta ay duqeyntu…

Marka la eego dalalka awoodda badan ee ku tiirsan Jabuuti, waxa uu waddankan yar isu baddalay buul ay ku xaroodaan sirdoonka adduunka, sida uu Telegraph ku sheegay maqaalkiisa. Arrintan oo aan mar dhow billaabanin waxay soo socotay muddo aad u dheer. Mareykanka iyo Shiinaha ayaa tartan xooggan ugu jira sidii ay awooddooda dhanka sirdoonka ugu xoojin lahaayeen gudaha Jabuuti, mid walbana waxa uu doonayaa inuu ku adkaato ciyaartaas. Wariyaha diyaariyay maqaalka ayaa marka uu ka warramayay sida ay quwadaha caalamka ugu loollamayaan dalka yar ee ku yaalla geeska Afrika waxa uu ku qeexay “buulka basaasiinta”. “Horaantii sanadihii 1920-meeyadii booskan waxaa…

Wasiirka ku-xigeenka warfaafinta Soomaaliya Cabdiraxmaan Yuusuf Al-Cadaala ayaa Ka tanaasulay loolankii uu ugu jiray kursiga xildhibaan ee HOP#69. Al-Cadaalada ayaa qoraal uu soo dhigay facebook ku yiri “Waxaan halkaan uga hambalyaynayaa adeerkey Cabdiraxmaan Maxamed Xuseen oo noqonaya Xildhbaanka I matalidoona afarta sano ee soo socota insha allaah.”. Xildhibaan Odowaa oo hore kursigan ugu fadhiyay,ayaa maanta qaatay shahaadada musharaxnimada.

Hanti lagu qiyaasay nus-malyuun doolar,ayaa ku gubatay Dab Xalay ka kacay magaalada Doolo Addoo ee Gobolka Liibaan ee Dowlad Deegaanka Somalida ee dalka Itoobiya. Dabkaasi oo sida la sheegay ka kacay suuq ku yaal magaaladaasi ayaa waxaa ku hanti beelay dad u badan ganacsato oo ay u suurtagale weyday in ay hantidooda badbaadiyaan maadaama xilli habeen ah ay ahayd. Dabkan,ayaa noqonaya Dabkii Afraad muddo Lix billood gudahood ah oo ka kaca magaaladaasi.

Magaalada Addis Ababa ee caasimadda dalka Itoobiya,ayaa waxa uu si rasmi ah maanta uga billowday shir weynaha Xisbiga hayo talada dalkaasi ee PP. kulankaa oo ay ka qeyb galayaan Ergo aad u badan,ayaa ah kii ugu horreeyay tan iyo markii uu Xisbigaasi si weyn ugu guuleystay doorashadii guud ee dalkaasi ka dhacday. Si kastooy ahaataba Shir-weynaha,waxaa ka soo bixi doona go’aanno go’aano muhiim u ah xigan adag Itoobiya.

Guul,ayuu kusoo idlaaday kulankii reer Muduga iyo Madaxweyne Deni. 1.Kuraasta Cumar Maxamuud Gabar kuma jirto. 2.Ergada dooranaysa Kuraastaas waa mida Cumar Maxamuud iska soo dhex xulay ee rasmiga ah. 3.Doorashada Kuraasta,waxaa goobjoog ka noqonaya Islaanka iyo Nabadoonada Beesha. 4.Xildhibaanada Cumar Maxamuud ee soo baxa,waxay codkooda siinayaan Madaxweyne Deni oo xataa kii ay ishayaan hada waa la heshiisinayaa. Intaas,ayaa lagu kala soo faataysaytay laguna quraan akhristay. Islaan Bashiir waa bogaadinaynaa hogaamintiisa qurxoon. Jibril Qoobey.

Maanta waxaaa loo badinayaa in la shaaciyo Kuraasta Garbahaarey ku asteysnayd. Kismaayo,ayaa loo asteeyay Doorashada Kuraastii Garbahaarey,sida ay ii xaqiijiyeen Ilo xog ogaal ah. Ku dhawaaqistu saacadaha soo socda in ay dhacdo ayay ubadan tahay. Jibril Qoobey.

Talyihii Booliska Gobolka Bari Diriir,ayaa la geliyay Xabsi Guri 3-maalmood ka hor. Talyaha guud ee Booliska Puntland,ayaa bixiyay amarka Xabsi Guriga lagu geliyay Talyaha Bari. Dirir,waxuu ka carooday kulankii ka dhacay Madaxtooyada Bosaso ee is dhexgalka Ciidanka,waxaana jirtay kulan si gaar ah udhexmaray Jeneralada Ciidamada Booliska,PSF iyo Daraawiishta. Kulankaas ugaarka ah Jeneralada,ayuu soo fariistay Dirir,kadibna Talyaha Booliska Puntland,ayaa usheegay in uu Shirkan ugaar yahay Talyayaasha Guud oo uu banaanka uga baxo. Intaas kadib,ayuu Dirir ka carooday Madaxtooyada horayna usii kaxaystay Ciidankii joogay ee Booliska ahaa. Balse Talye Cali-xaashi oo fariin gaartay,ayaa amar ku bixiyay in Ciidanku dib usoo laabto Talye…

Dab,ayaa ka kacay xarunta Saadka ee Ciidamada Amisom oo ku dhextaala Xalane. Xarunta saadka Ciidamada Amisom waxaa u dhow Teendhada Afisyooni ee shalay ay isla booqdeen Ra’iisul Wasaaraha Somaliya mohamed Xuseyn Rooble iyo Safiirka Mareykanka ee Somaliya. Meesha Dabku ka kacay,waxaa kaloo u dhow safaarado iyo Xarunta Midowga Yurub ee Somaliya.

Rooble 16-ka Kursi ee Garbahaarey loo asteeyay soo wareejintooda,waxuu ka rabaa heshiis dhaqaale. Ugu yaraan Nus Milyan Dolar hadaan loo sheegin ma qaadanayo go’aan deg-deg ah. Waxaa jira Musharaxiin kasoo jeeda Beesha Hawiye oo ku qalqaalinaya in uu Xamar usoo wareejiyo oo uusan Kismaayo gayn. Musharaxiintaas waxay u arkaan Jubaland in ay dhisayso Deni,sidaa daraadeed ugu yaraan si wax looga boobo in Xamar la keeno. Khayre iyo Cabdikariin Guuleed waxay u ogol yihiin Rooble Lacag Cadaan ah oo fara saar ah si uu uqaato go’aanka Xamar. Hogaanka Puntland ee musharaxa ah,waxaa laga rabaa in uu dhiirado oo Rooble wax usheego…

Laftagareen kulanka uu la leeyahay Fahad iyo Farmaajo,waxuu ku aadan yahay hankiisa Gudoomiyaha Golaha Shacabka Fadaraalka. Waxuu fahansan yahay Laftagareen hadii kooxdiisan ay awooda banayso in uusan sii joogi doonin Madaxtooyada Baydhabo,sidaa darteed,waxuu danaynayaa in uu hadaba kasii tabaabushaysto. Kuraasta harsan ee Koonfur-galbeed,waxaa ku jira Kursigii Laftagareen ku fadhiyay ka hor intuusan noqon Madaxweynaha Koonfur-galbeed. Dhinaca kale Fahad,waxuu u arkaa Laftagareen Nin buuxin kara Gudoomiyaha Golaha Baarlamaanka Fadaraalka oo kooxdiisuna si weyn u aamini karto. Balse isla kooxda Nabar iyo Naxdin,ayaa qayb ka mid ah waxay qabtaa in Laftagareen Baudhabo loo daayo booskiisana la geliyo Talyaha Asluubta Mahad Shub. Waxaase…

Labada Kursi ee Beelaha Dhulbahante Xildhibaanadooda ka harsan ayay isku qabteen Deni iyo Axmed. Balse isqabashadoodu ma’ahan mid sii buuran,waxayna ubadan tahay in xal laga gaaro. Deni,ayaa muujiyay ilaa iyo hada dabacsanaan dheeriya oo Axmed uhoyday uguna tagey Hoygiisa.

Xaaladda Koonfurta magaalada Gaalkacyo ee Baraxley,ayaa kacsan. Waxaa qeybo ka mid ah Xaafadaas oo ka arimiyo Maamulka Galmudug lagu arkayaa Maleeshiyo Beeleed hubeysan oo wata Gawaarida Dagaalka. Gaar ahaan Hoyga uu ka degan yahay Xaafadaas Madaxweyne Qoor-qoor ayay Maleeshiyadu hareeraysay. Gadoodka Maleeshiyadan,ayaa salka ku haya Seddex kursi oo oo doorashadooda dib Maanta loo dhigay loona asteeyay in ay qabsoonto Doorashadooda Maalinka Axada ah hadii eebe idmo. Maleeshiyada,ayaa sheegay in rabitaankoodu yahay in la si xor ah oo furan loogu tartamo Kuraasta taala Koonfurta Magaalada Gaalkacyo oo aan Dad gaar ah loo xirin.

Sacdiyo Salaad in ay dib uhesho Kursigeeda ayay ubadan tahay,waxaana difaaceeda ku jira madax kala duwan. Madaxweyne Axmed Madoobe,waxuu taagan yahay Kursiga Kismaayo ee Beesha Abokor Ciise lama dooranayo ilaa Sacdiyo keeda la doorto. Dood adag oo dhexmartay Labada Madaxweyne ee Deni iyo Axmed oo ku aadan Kursiga Sacdiyo meel adag,ayuu ka istaagay Axmed. In Cali Gaab 4-tii sano ee lasoo dhaafay Nabar iyo Naxdin usacabtumayay lasoo cesho oo Sacdiyo Salaad la reebo wax la aqbali karo ma’ahan. Sacdiyo,waa in ay soo baxdaa shuruud la’aan!! Halkan ka daawo muuqaalka

Gabdhaha Beelweynta Ciise Maxamuud,ayaa ku dhawaaqay in ay joojiyeen bixinta Qaaraanka Tolka ayna Isin ugaar ah samaysanayaan. Gabdhuhu ,waxay ka caraysan yihiin diidmada loo diiday in ay qayb ku yeeshaan Kuraasta Xildhibaanimo ee Beesha. Islaan Ciise iyo Suldaan Garaase,ayaan ogolayn in ay Gabdhaha ku daraan Siyaasiyiinta utartanta Kuraasta Xildhibaanimo. Sidoo kale Beesha Ciise Maxamuud,ayaa ah mida kaliya ee aysan Gabdhuhu wax matalaad ah ka dhex helin,markii la ag dhigo Labada Beelood ee Maxamuud Saleebaan ee Cismaan iyo Cumar. Carada ka dhalatay Gudoonka ugaar ah Isimada waxay fulkaano ku dhex noqotay Beesha oo haatan gaartay in xataa Gabdhuhu ku hanjabaan in…

Kulankiii Islaan Bashiir iyo Waxgaradka kale ee Beesha Cumar Maxamuud ay la lahaayeen Madaxweyne Deni,waa soo dhamaaday. Isa salaamid kadib,waxaa hadalka bilaabay Fiqi Cabdinaasir oo ah mid ka mid ah Fiqiyada jifi hoosaadka Reer Xirsi Faarax oo loo wakiishay in uu ku hadlo afka Beesha,waxuuna yiri.. “Madaxweyne,waxaan kuula soconay labo arimood oo kala ah,in Beesha Kuraasteedu ay yihiin tartan furan oo xor ah iyo in aanan doorkan Gabar qaadanayn”. Intaas markuu yiri,waxaa warka dhanka Beesha soo xiray sida xeerku yahay Islaan Bashiir oo yiri.. “Warku waa intaas Fiqigu yiri,wax kale nooma harin,waana ku dhan yahay Madaxweyne”. Kadib,waxaa qaatay Madaxweyne Deni…

Suldaan Siciid Maxamed Garaase,ayaa Xasan Shire ka dalbaday in uu iscasilo oo kursiga Wasiirka Abokor Ciise la siiyo Idiris Ugaar. Ilaa iyo hada Xasan Shire ma aqbalin dalabka Suldaanka. Sidoo kale Beesha idiris Ugaar oo aan haldoorkeeda,wax ka waydiiyay arinkan,waxay ii sheegeen in aysan uhakanayn wararkaas la sheegsheegayo. Suldaanku,waxuu isku dayayaa in uu damiyo carada Beesha Idiris Ugaar iyo Isinka ay soo wadaan. Dhawaan,ayaa la filayaa in Idiris Ugaar ay ku caano shubi doonaan Ugaas ay yeelanayaan. Jibril Qoobey.

Wasaaradda Waxbarashada iyo Tacliinta sare ee Dowladda Puntland oo xirtay Dugsiga sare ee Hormuud ee Degmada Galkacyo. Halkan ka akhriso:-

Dowladda UK ayaa xayirtay hantida milkiilaha kooxda Chelsea Roman Abramovich, sidoo kalena kusoo rogtay xayiraad socdaal, taasi oo jahwareer gelisay qorshaha uu ku iibinayo kooxda difaacaneysa horyaalka Yurub iyo kan kooxaha dunida. Milkiilaha kooxdan ka tirsan horyaalka Premier League ayaa ka mid ah toddoaba maal-qabeeno Ruushiyaan ah oo xayiraado lagu soo rogay, kuwaasi oo uu ku jiro saaxiibkiisii hore ee ganacsiga Oleg Deripaska. Dadka kale ee xayiraadda la saaray waxaa ka mid ah madaxa shirkadda Rosneft Igor Sechin, oo dowladda Britain ay ku qeexday “gacanta midig” ee Putin, iyo madaxa shirkadda Gazprom Alexei Miller. Waxaa sidoo kale liiska ku jira…

Kulankii Saraakiisha Ciidamada Puntland ee ka dhacay saakay Madaxtooyada Bosaso si gobanimo ah,ayuu kusoo idlaaday. Laabtaa laysku furay oo waa lays cafiyay,waana lays dhexgeliyay Ciidamada. Xaqiiqdii wax qurux badan,ayaa ka dhacay Maanta Madaxtooyada Bosaso. Saraakiishu waxay isla qireen in amaanka Guud ee Puntland dabcay xiligii qalalaasuhu jiray. Waxaa lagu balamay in deg-deg loo dardargeliyo la dagaalanka argagixisada iyo danbiyada kale. Guud ahaan jawigu,waxuu kusoo gaba-gaboobay in loo wada adeego Dalka iyo Dadka. Jibril Qoobey.

Wasiirka arimaha dibada Dalka Ukraine Dametro Koliba, aya gaarey Magaaalada Antalaya ee dalka Turkiga halkaas oo uu maabta wadahal ka fool ka fool ah kula yeelan doono dhigiisa Ruushka Sergei Lavrov. Wasiir arimaha dibada Turkiga Mevlut Cavusoglu, ayaa soo dhaweeyey waftiga Ukraine waxayna wada yeesheen kulan gaar ah. Turkiga oo horay u diiday fulinta cunaqabataynta reer galbeedka ee Ruushka ayaa hada xiisada labada dal wadahal lagu dhamaynayo marti galinaya. Wasiirka Arrimaha Dibadda ee Turkiga Mevlut Cavusoglu, Wasiirka Arrimaha Dibadda ee Ruushka Sergei Lavrov iyo Wasiirka Arrimaha Dibadda ee Ukraine Dmytro Kuleba,ayaa Khamiista maanta ah kullan saddex geesood ah uga bilowday…

WAR-SAXAAFADEEDFadhigii 88aad Ee Golaha Wasiirrada Oo Lagu Go’aamiyey Qodobo Muhiima. Fadhigii 88-aad ee Golaha Wasiirrada Somaliland oo uu shir Guddoominayey Madaxweynaha Jamhuuriyadda Somaliland, Mudane Muuse Biixi Cabdi, kuna wehelinaayey Madaxweyne-ku-xigeenka Somaliland, Mudane Cabdiraxmaan Cabdiraxmaan Cabdilaahi Ismaaciil (Saylici) oo qabsoomay maanta oo ay taariikhdu tahay 10/03/2022, ayaa goluhu war-biximo kaga dhegeystay Wasiirka Wasaaradda Arrimaha Gudaha, Mudane Maxamed Kaahin Axmed, Arrimaha la xidhiidha Amniga dalka iyo howsha agaasinka iyo qaban-qaabada xuska 18 May ee sannadkan 2022. Sidoo kale Wasiirka Horumarinta Khayraadka Biyaha, Mudane Cali Xasan Maxamed (Cali Mareexaan) ayaa golaha uga war-bixiyey xaaladda abaarta dalka iyo safarkii ay Guddida Gurmadka Abaaruhu ugu…

Kulankii xalay ee Beelweynta Cumar Maxamuud ay ku yeesheen Garowe. Kulankaas,waxaa layskula jeex-jeexayAjandaha rasmiga ah ee Isimada Beesha la hor fariisanayso Madaxweynaha. Is-afgarad,ayuu kusoo idlaaday,waxayna Isimadu sheegeen in ay qaadayaan Qodobadaas,waxii ay kala soo kulmaana kusoo celin doonaan Madasha Guud. Xaqiiqdii Islaan Bashiir,waxuu muujiyay hogaamin xili loo baahnaa timid. Habayaraatee Wasiirka Arimaha Gudaha ma imaan Shirka oo xataa salaan uguma imaan Islaanka iyo Waftigiisa. Jibril Qoobey.

Madaxweynaha Dowladda Jubaland Mudane Axmed Maxamed Islaam, ayaa shir gudoomiyey kulanka golaha wasiiradda oo maanta lagaga hadlay qodobo kala duwan. Madaxweynaha ayaa ugu horayn golaha uga warbixiyey xaaladda amaanka xili ciidamadda ay ku howlanyihiin sugida amniga deegaanada Jubaland iyadoo Madaxweynahu uu ku amaanay Ciidaamada sida ay diyaarka ugu yihiin badbaadinta iyo ilaalinta shacabka xili dalka uu doorasho ku jiro. Dhinaca kale Madaxweynahu wuxuu golaha warbixin ka siiyay doorashooyinka kasocda guud ahaan dalka iyo si gaar ah Jubaland isagoo sheegay in ay socdaan dadaalo kala duwan oo ku aadan sidii losoo dhameeystiri lahaa xubnaha xildhibaanada dhiman ee deegaan doorashadoodu tahay Jubaland.…