Wasiirka wasaarada Arrimaha gudaha , Federaalka iyo Dimuqraadiyaynta Puntland Mudane Abdi Farah Juxa oo ka qaybgalay xafladda hordhaca munaasabadda xarig-jarka iyo maalgashiga Biyo-xireenka Abay ee dalka Itoobiya.
Wasiirka Arrimaha gudaha , Federaalka iyo Dimuqraadiyaynta Dowladda Puntland, Mudane, ayaa galabta ka qayb galay xafladda hordhaca munaasabadda dabaal-degga xarig-jarka iyo maalgashiga Biyo-xireenka Abay ee dalka Itoobiya.
Munaasabaddan waxaa soo qaban-qaabisay Safaaradda Itoobiya ee ku taalla caasimadda Puntland, waxaana hoggaaminayey kusimaha Qunsulka Safaaradda, Mudane Yidnekachew Tekle .
Intii ay socotay munaasabadda waxaa lagu soo bandhigay hiddo-dhaqameedka dalka dariska aan nahay ee Itoobiya, iyadoo ay goobta kasoo qayb galeen xubno ka tirsan Golaha Wasiirrada, Duqa Degmada, shirkado ganacsi iyo marti sharaf kale.
Mas’uuliyiinta labada dhinac ayaa si gaar ah u xusay muhiimadda iskaashiga Puntland iyo Itoobiya ee dhinacyada kala duwan Sida; siyaasadda, dhaqaalaha iyo amniga. Waxaa si gaar ah loo tilmaamay kaalinta muuqata ee Itoobiya ka geysatay Dagaalka lagula jiro argagixisada Daacish,Gargaarka caafimaad ee lagu Dawaynayay dhaawacyadii Ciidamadeena geesiyaasha ee ka dagaalamayay buuraha Calmiskaat, oo lagu daweynayay magaalada Addis Ababa.