Garoowe: 1O-Sep-2025: Wasiirka Wasaaradda Qorsheynta Horumarinta, Dhaqaalaha iyo Iskaashiga Caalamiga ee dawladda Puntland Hon. Da’ud Mohamed Bisinle ayaa ayaa shir-gudoomiyay fadhiga ansixinta yoolasha iyo waxqabadka istaraatiijiga ah ee tiirka Cadaaladda, Amniga iyo sarreynta Sharciga ee geeddi-socodka diyaarinta qorshaha 4-aad ee horumarinta Puntland (PDP⁴ 2026-2030).
Kulanka waxaa lagu falaanqeeyay muhiimada tiirarkaan ay bulshada u leeyihiin caqabadaha ka jira iyo xal ka gaaristooda, iyadoona la isla qaatay in lagu saleeyo baahiyaha dhabta ah ee kasoo baxay xog aruurin laga sameeyay deegaanada iyo degmooyinka Puntland si ay u noqdaan kuwa ka turjumaya nolosha dhabta ah ee bulshada.
Kulanka waxaa ka qaybgalay madaxda sare ee Wasaaradaha Arrimaha Gudaha, Cadaaladda, Amniga, khubarada diyaarinta qorshaha horumarinta iyo saraakiil dawladeed oo kale.
……………………DHAMMAAD……………….
Baahinta: Xafiiska Warfaafinta Wasaaradda Qorsheynta, Horumarinta Dhaqaalaha iyo Iskaashiga Caalamiga ah ee Dowladda Puntland.
