Madaxweynaha Puntland, Siciid Cabdulaahi Deni ayaa ku eedeeyay Madaxweynaha muddo-xileedkiisu dhamaaday ee Villa Somalia Xassan Shiikh Maxamuud in uu ka abuuray xeebaha Puntland kooxo burcad-badeed oo bilihii u dambeeyay afduub u geystay Maraakiib dhowr ah.
Siciid Deni oo ka hadlayay furitaanka Kalfadhigga 58aad ee Baarlamaanka Puntland ayaa xusay in Xassan Shiikh uu abuurista Burcad-badeeda uga gol-leeyahay khalkhal gelin amni ee deegaanada Puntland.
Si lamid ah, Madaxweyne Deni ayaa sheegay in deegaanada Puntland uu Xassan Shiikh ka qoray maleeshiyaad, si gaar ah magaalo xeebeedyada Eyl, Xaafuun, Bayla iyo Garacad, kuwaas oo qorshahoodu yahay in ay gacan siiyaan Burcad-badeed.
IDILNEWS