Shacabka caasimadda Jubbaland ee Kismaayo iyo kuwa degmada Afmadow ayaa maanta dhigay banaan-bax ay kaga soo horjeedaan duqeyn uu Turkigu jimcihii ka geystay degmada Doollow ee gobolka Gedo, uuna la beegsaday Gen. Mahad Cabdiraxmaan (Shub).
Gen. Shub oo labo jeer soo noqday Taliyaha Ciidanka Asluubta DFS iyo Xildhibaan Qaran, ayaa diyaaradaha Drones-ka Turkey ku duqeysay hoygiisa Doollow, iyadoo loo beegsaday in uu ka horyimid maamulka Xassan Shiikh ka dhisay Baydhabo ee Aadan Madoobe iyo in Ciidan taabacsan marar is xiga galeen Baydhabo, jabiyeena Ciidanka Federaalka iyo maleeshiyaadka Aadan Madoobe.
Kacdoonka ayaa bar bilow u ah baraarug Bulsho oo ka dhan ah Turkey, oo si weyn ugu milantay siyaasadda Koonfurta Soomaaliya, dhibaatooyin badana ka geysatay.
Turkey ayaa si ba’an u xaalufiyay dhaqaalaha Koonfurta Soomaaliya, waxaana uu in kabadan 10 sano haystaa garoonka diyaaradaha iyo Dekedda, isagoon wax horumar la taaban karo ah aan ka qaban.
Sidaas oo kale, heshiisyo waa weyn ayuu Turkey ka saxiixday maamulka Muqdisho, kuwaas oo uu kula wareegay kheyraad dhulka iyo Badda ee Koonfurta Soomaaliya.
IDILNEWS