Madaxweynaha Dowladda Puntland Mudane Siciid Cabdullaahi Deni, ayaa maanta qasriga Madaxtooyada ku qaabilay Safiirka Dowladda Denmark ee Soomaaliya Danjire Steen Sonne Andersen iyo wafdi uu hoggaaminayo.
War qoraal ah oo kasoo baxay Madaxtooyada Puntland ayaa lagu sheegay in Madaxweyne Deni iyo Safiirka Denmark ay ka wada-hadleen xaalka Soomaaliya iyo iskaashiga Amni iyo horumarineed ee labada dhinac.
Kulanka oo ay ka qaybgaleen xubno ka tirsan Golaha Xukuumadda, waxaa looga hadlay xaaladda Guud ee Soomaaliya gaar ahaan dhinacyada Amniga iyo Siyaasadda, Xoojinta iskaashiga Dowladda Puntland iyo Dowladda Denmark ee dhinacyada Amniga iyo horumarka, gaar ahaan la dagaalanka Argagixisada, Amniga badaha iyo mashaariicda horumarin.
IDILNEWS