Waxaa maanta ka qabsoomay magaalada Gaalkacyo ee xarunta gobolka Mudug – Shirka Amniga ee gobolka Mudug, kaas oo ay ka qeybagaleen Wasiir kuxigeenka Arrimaha Gudaha Dowladda Puntland, Taliyaha Ciidanka Daraawiishta Dowladda Puntland iyo Guddoomiyaha Gobolka Mudug.
Kulankan ayaa diiradda lagu saaray xaaladda guud ee amniga gobolka, xoojinta wada-shaqeynta hay’adaha amniga iyo maamulka gobolka, iyo sidii loo sii adkeyn lahaa nabadgelyada iyo xasilloonida bulshada.
Mas’uuliyiinta ka qaybgalay shirka ayaa adkeeyey muhiimadda ay leedahay iskaashiga hay’adaha dowladda, feejignaanta ciidamada amniga iyo doorka bulshada ee ilaalinta nabadda iyo xasilloonida gobolka.
Maamulka Gobolka Mudug ayaa sii wada dadaallada lagu xaqiijinayo amni waara, xasillooni iyo nabad ay ku wada noolaadaan bulshada ku dhaqan gobolka.
Shirka waxaa ka soo qaybgalay dhammaan xubnaha Guddiga Amniga Gobolka Mudug.
IDILNEWS