War saxaafadeed ka soo baxay xafiiska Agaasimaha Fulinta Dallada Waxbarashada ee SAFE Kayse Mayow Abo Xuseen ,ayaa waxaa uu kaga hadlay Natiijada Imtixaanaadkii ay Dowladda Federaalka ka qaadey Ardeydii dhameysatey Dugsiyada Sare ee Dalka sannadka 2017-2018.
Mudane Keyse waxaa uu sheegey in Hay’adda SAFE ay Cabasho weyn ka tahay qaabkii loo qaadey Imtixaanaadka iyo Weliba qaabkii loo saxay Imtixaanaadkaas waxaana uu sheegey in Hay’adda Waxbarashada ee SAFE aaney Wasaarada Waxbarashada wax la tashi ah kala sameeyn Habkii loo saxay Imtixaanaadkaas.
“Muddo Dhowr Sanno ah ayaa soo diyaarineyney Ardeydaas sidaa darteed Wasaarada Waxbarashada Wax Xil ah ama Masuuliyad ah kama muujin Habkii loo qaadey iyo habkii loo saxay Imtixaanaadka waayo ardeyda imtixaankooda la saxay cida mas’uuka ka ah waa anagga, mar hadii doorkayna ay diideena dhibaatada iyo cadaalad darada ardayda soo gaartay waxay noqonaysaa mid ku talagal ah (Ayuu war saxaafeedka ku yiri).
Agaasimuhu wuxuu intaa kudaray “Hay’adda SAFE oo hooyadii waxbarashada ahayd Ayaan Wasaaradda la wadaagin ama aysan ka talagalin sixida Imtixaanaadka maadaama aynu nahay Marjicii Waxbarashada (ayaa markale qoraalka lagu yiri).
Hadii aan nahay Hay’adda Waxbarashada SAFE waxaan u sheegeynaa Bulshada Soomaaliyeed in Imtixaanaadkii Sannadkaan la siyaasadeeyey islamarkaana arday badan mustaqbalkooda mugdi la galiyey.
Agaasimaha Fulinta Dallada Waxbarashada SAFE waxaa uu sheegey In Natiijadii Imtixaanaadkii ee Wasaaradda qaadey Sannadkaan aysan Hay’adda Waxbarashada ee SAFE Aqoonsaneyn waayo Imtixaanaadkaas wadadii cadaaladda looma marin.
Ugu Dambeyn Agaasimaha waxaa uu sheegey in ay la yaab tahay in 5 kun oo ardey Imtixaankaas lagu rido , isagoo sheegey in taas ay ku tusineyso sida agaasimaha wasaaradda uu ugu dhaga adeegay door mas’uuliyadeedkeena ee sixida imtixaanka sidaa Darteed waxaa Nasiib daro ah in ardey Tiradaa la eg oo muddo dheer wax la soo barayey in cadaalad daro ah loo niyad jabiyo Ciddii sameyseyna qaadaysa cawaaqibta ka dhalata,mar uuna lagula Xisaabtami doono.
Sannadkaan waxaa Imtixaanaadkii Dugsiyada Sare u fariistey in ka badan 25 ku oo ardey, waxaa Gudbey 20 ku oo ardey halka ay ay dhaceen in ka badan 5 kun oo ardey sidaa darteed Waalidiin fara badan ayaa sannadkan aad uga cowdey qaabkii loo saxay Imtiaanaadkii Dowladda kuwaa Cabashaooda u gudbiyey Daladaha Waxbarashada dalka.