Ciidamada Badda Puntland ayaa si xoog ah kusoo furtay Marka u afduubnaa koox Burcad-badeed ah, oo lagu haystay xeebaha Puntland, gaar ahaan gobolka Mudug.
Markab oo lagu soo furtay howlgal ay sameeyeen ciidamada Badda Puntland, ayaa lagu magacaabaa MTT-SIBU1.
Howlgalka oo dhacay habeenimadii xalay – ayaa ciidamada Badda Puntland kula soo wareegeen Markabka, iyadoo khasaare dhimasho iyo dhaawac ah uu soo gaaray kooxdii Burcad-badeeda ahayd ee markabka afduubka ku haystay.
Saraakiil katirsan Ciidanka Badda Puntland ayaa u xaqiijiyay IdilNewa in uusan jirin khasaare soo gaaray markabka iyo shaqaalihii saarnaa.
Dowladda Puntland ayaa dhowaan kordhisay Tirada ciidamada Badda iyo gaadiidka ku sugan gudaha Badda, Madaxweyne Deni ayaa wacad ku maray todobaadyo kahor in Burcad-badeeda ay ula dagaalami doonaan si lamid ah argagaxisada Daacish.
IDILNEWS