Gollaha Wasiirada Somaliland oo yeeshay kulan aan caadi ahayn ayaa meelmariyay heshiiskii Somaliland iyo Israa’iil ay ku gaareen Qudus, kaddib socdaalkii waftiga Madaxweyne Cabdiraxmaan Cirro uu tagay Israa’iil.
Shirka Gollaha Wasiirada ayaa Madaxweyne Cirro ka hor akhriyay Baaqa wadajirka ah ee Iskaashiga Somaliland iyo Israa’iil, iyadoo intaa kaddib la galiyay cod gacan taag ah.
Wasiirada ayaa si aqlabiyad leh ku ansixiyay baaqa heshikska labada dhinac oo taabanaya dhinacyada Amniga, dublamaasiyadda iyo Dhaqaalaha, sida lagu sheegay war-saa xaafadeed kasoo baxay Madaxtooyada Somaliland.
“Madaxweynuhu waxa uu iftiimiyey guulaha diblomaasiyadeed, iskaashiga istaraatiijiga ah iyo fursadaha cusub ee safarkaasi u horseeday Jamhuuriyadda Somaliland, kuwaasi oo xoojinaya danaha Qaranka JSL ee Fagaarayaasha Caalamka.”
“Dhinca kale, Madaxweynuhu waxa uu Golaha Wasiirrada JSL hor keenay, isla markaana Golaha si dhammaystiran looga hor akhriyey nuxurka Baaqii Wadajirka ahaa (Joint Declaration) ee ay soo saareen labada Dawladood, Jamhuuriyadda Somaliland iyo Dawladda Israa’iil, kaasi oo ay Golaha Wasiirrada JSL cod gacan taag ah oo aan loo kala hadhin ku meel mariyeen.
Baaqan isaga ah oo soo baxay 15.06.2026-ka, waxa magaalada Jerusalem si wadajir ah ugu saxeexay Madaxweynaha Jamhuuriyadda Somaliland iyo Ra’iisal Wasaaraha Dalka Israa’iil.”
IDILNEWS