Dowladda Jabuuti ayaa ku dhawaaqday in xeebaha dalkeeda ay soo gaareen Boqollaal qaxooti ah oo kasoo cararay colaada dalka Yemen, gaar ahaan dagaaladii u dambeeyay ee u dhexeeyay Ciidamada Sacuudigu taageero iyo Xuutiyiinta Yemen, ayna maleeshiyaadka Xuutigu ku qabsadeen magaalada Mocha ee albaabka marinka Baabul-mandab.
Ilaa 500 oo qaxooti ah ayaa ka gaaray xeebta magaalada Obock ee dalka Jabuuti, kuwaas oo isugu jira Haween iyo carruur, sida ay faafisay Warbaahinta Dowladda Jabuuti.
Sidoo kale, Jabuuti ayaa sheegtay in lasoo badbaadiyay dad badan oo Yemeniyiin ah, kuwaas oo doonyihii ay saarnaayeen ay shidaal goosteen, ayna saacado badan biyaha Badda dul sabeynayeen.
IDILNEWS