Madaxtooyada Kenya ayaa hoos u dhigtay maqaamka Madaxweynaha muddo-xileedkiisu dhammaaday ee DFS Hassan Sheikh Mohamud, iyadoo garoonka diyaaradaha Nairobi loogu soo diray xubno hoose oo Dowladda ah.
Xassan Shiikh ayaa looga qaaday diyaarad kuwa qumaatiga u kaca ah Joma Kenyatta Airport, iyadoo laga dajiyay beer nasasho oo ku taal magaalada Norak, oo ku sugnaa Madaxweynaha Kenya William Ruto.
Ruto ayaa ka gaabsaday in uu Xassan ugu yeero Madaxweyne, isagoo sidoo kale iska diiday in uu ka wareysto xaalka Soomaaliya, waxaana uu ku yiri “Soo dhawoow Walaal, ka waran Muqdisho.” Taas oo ka dhigan Soomaaliya ma xukuntid.
Dhambaalka Ruto ka sidday hoggaamiyayaasha Galbeedka.
Ruto ayaa Xassan Shiikh u dhiibay dhambaal uu ka wadday hoggaamiyayaasha galbeedka oo uu Maalmo kahor kala qeybagalay Shirka G7 oo ka dhacay dalka Faransiiska, kaas oo faraya in uu miiska saaro doorashooyinka dalka, lana gaaro heshiis doorasho Gollaha Mustaqbalka, iyadoo laga dheeranayo dib u dhac kale oo doorasho.
Bishii May, Madaxweyne Ruto ayaa sheegay in Soomaaliya ay qarka u saaran xaalad adag, ayna sharciyada lumiyeen Baarlamaankii dalka, xukuumaddii iyo Madaxweynaha oo uu dhammaaday muddo-xileedkiisii rasmiga ah, isagoo sheegay in Kenya si dhow ula socoto halisyaha ka dhalan kara.
IDILNEWS