Madaxweynaha Somaliland, Cabdiraxmaan Maxamed Cabdullaahi (Cirro) ayaa lagu wadaa in maanta uu gaaro caasimadda dalka Kenya ee Nairobi. Maalmihii lasoo dhaafay u diyaargarowga soo dhaweynta Cirro ayaa si weyn looga dareemayay Nairobi.
Waa socdaalkii saddexaad ee uu uga baxayo gudaha Somaliland, tan iyo markii loo doortay Madaxweynaha Somaliland, uuna xafiiska la wareegay 12 December, 2024.
Cirro ayaa horrey booqasho ugu tagay dalalka Imaaraatka Carabta iyo Jabuuti, kaddib casuumaad uu ka helay madaxda labada dal.
Si rasmi ah looma oga ujeeddada socdaalka Madaxweyne Cirro ee Nairobi โ balse, wararka qaar ayaa sheegaya in uu kulan la yeelan doono madaxda dalka Kenya.
Somaliland ayaa 34 sano kahor, ku dhawaaqday in ay ka go’day Jamhuuriyadda Federaalka ah ee Soomaaliya. Waxaana maamulku ku guuleystay hirgelinta Amni, adeeg dowladeed iyo dilmuquraadiyad dhameystiran.