Madaxweynaha muddo-xileedkiisu dhammaaday ee DFS, Hassan Sheikh Mohamud ayaa ku guuldareystay dadaalo uu ku doonayay in aan Golaha Ammaanka QM la horgeyn weerarradii uu 4 June ku qaaday madaxda mucaaradka, gaar ahaan Madaxweynihii 7aad ee DFS, Shariif Shiikh Axmed iyo Ra’iisul Wasaarihii hore ee XFS Xassan Cali Kheyre.
Xassan Shiikh oo xiriiro la sameeyay dublamaaaisiyiin u dhashay dalka UK, uuna kamid ah yahay Safiirka Ingariiska u jooga Muqdisho, ayaa ka codsaday in aan Gollaha Ammaanka la hordhigin dagaaladii ka dhacay Muqdisho, uuna diyaar u yahay in heshiis degdeg ah laga gaaro maareynta marxalada kala-guurka ah iyo doorashooyinka Qaran.
Balse, Danjire Charles King ayaa iska diiday dalabka Xassan Shiikh, waxaana Gollaha Ammaanka QM oo kulan yeeshay ay UK hordhigtay xaalka cakiran ee Soomaaliya, weerarrada Madaxweynaha muddo-xileedkiisu dhammaaday ku qaaday Madaxda macaaradka iyo heshiis la’aanta doorashooyinka.
UK ayaa gacanta ku haysa galka Arrimaha Soomaaliya marka la joogo miisaska caalamiga ah, waxaana gudbinta warbixintan ay saameyn weyn ku leedahay mustaqbalka Xassan Shiikh oo Soomaaliya u jiheeyay jid mugdi ah.
IDILNEWS