𝐂𝐈𝐋𝐌𝐈-𝐁𝐀𝐀𝐑𝐈𝐒: Saamaynta Dhaqaale ee Colaadda Iiraan iyo Israa’iil ku yeelatay Puntland

Bangiga Dowladda Puntland, gaar ahaan qaybta Istaatiitikada iyo Cilmi-baarista Bangiga oo kaashanysa Kuliyadda Cilmiga Bulshada iyo Dhaqaalaha ee Jaamacadda Bariga Afrika Garowe, ayaa daabacday cilmi-baaris cinwaankeedu yahay:

“Saamaynta Dhaqaale ee Colaadda Iiraan iyo Israa’iil ku yeelatay Soomaaliya gaar ahaan Puntland ”

Daraasaddan waxay si qoto dheer u falanqaynaysaa saamaynta dhaqaale ee colaadda Iiraan iyo Israa’iil ku yeelatay Puntland, iyadoo diiradda saareysa kororka sicir-bararka, qiimaha shidaalka, ganacsiga, sugnaanta cuntada, iyo hab-nololeedka.

Sidoo kale, waxay soo bandhigaysaa talooyin ku saleysan caddeymo cilmiyeed oo lagu xoojinayo adkeysiga dhaqaalaha iyo taageeridda dejinta siyaasado iyo go’aanno xog ogaal ah.

Daabacaaddani waxay muujinaysaa sida ay Bangiga Dowladda Puntland uga go’an tahay Horumarinta cilmi-baarista, xoojinta iskaashiga Hay’adaha, iyo soo saarista aqoon wax ka qabata caqabadaha jira, kana qeyb qaadata horumar waara .

Bangiga Dowladda Puntland wuxu u mahadcelineynaa Jaamacada Bariga Africa kaalintii qiimaha lahayd ee ay ku lahaayeen hirgelinta mashruucan cilmi-baariseed.

Cilmi baaristan ayaa lagu daabacay joornaalka : Scientific Research Publishing (SCIRP) – Open Journal of Social Sciences (Luulyo 2026).

📖 Akhriso cilmi-baarista oo dhammaystiran halkan:

https://www.scirp.org/journal/paperinformation?paperid=152518

IDILNEWS