Madaxweynaha Puntland, Siciid Cabdulaahi Deni ayaa kulamo kula yeeshay magaaladda Dubai ee dalka Imaaraatka Carabta, Madaxweynaha Jubbaland Axmed Maxamed Islaam.
Kulamada oo dhacay 72 saac ee lasoo dhaafay, ayaa looga hadlayay xallinta khilaafka labada Madaxweyne, oo soo bilowday kaddib doorashadii May 2022, oo uu Axmed Madoobe ka baxay axdi siyaasadeed dhexyaallay isaga iyo Deni.
Idilnews ayaa xaqiijisay in Deni iyo Madoobe, heshiis ka gaareen is diiddooyinka ka dhex jira iyo dhacdooyinkii abuuray kala-tagooda siyaasadeed, iyadoo Axmed Madoobe uu ballanqaaday in uu si dhow ula shaqeyn doono Siciid Deni.
Xubno ka agdhow Axmed Madoobe ayaa inoo sheegay in la dhameeyay khilaafka Garoowe iyo Kismaayo, ayna hadda kaddib ka duuli doonaan isku jiho siyaasadeed.
IDILNEWS