Madaxweyne Deni ee kalfadhiga 57-aad golaha wakiilada Puntland,ayaa cadeeyay in PL ay weli ku taagan tahay raadinta Dowlad Somaliyed oo ku dhisan hanaanka Fadaraalka ah.
“Dowladda Puntland waxay juhdi gelisey dib u yagleelidda dowlad dhexe, waxaa nasiib darro ah inuu weli taagan yahay khilaaf la xiriira hanaanka federalka, waa la gaari karaa rajada shacabka Soomaaliyeed haddii la helo hoggaan u diyaarsan, dowladda Puntland aqbali mayso in meesha laga saaro shuruucda dalka, mana sii fiirsanayso in dalku galo firaaq dastuuri ah”, Ayuu yiri Madaxweyne Deni.
Mw Deni,wuxuu xaqiijiyay in PL aysan aqbalayn Wadanku in uu galo firaaq sharci oo ay ka shaqaynayso mustaqbalka,iyadoo soo dhawaynaysa cid alaale iyo cidii danaynaysa ka shaqaynta golaha mustaqbalka Somaliyed.
Hadalka Mw Deni,ayaa yimid,iyadoo la filayo in Todobaadyada soo socda uu ka furmo Garowe Shirka lagu dhamaystirayo golaha mustaqbalka Somaliyed.
Golahan ayay Nayrobi kaga dhawaaqeen Madaxweynayaasha PL,JL iyo Golaha samatabixinta Xamar.
Warkan,wuxuu fariin niyad jab ah ku yahay Xasan Shiikh oo baadigoob ugu jira mudo kordhin xilli Afartii Sano ee sharciyada ahayd ay gabaabsi ka tahay.