Mudug,waxaa ka yimid wefti balaaran oo uu hogaaminayo Islaan Bashiir Islaan Cabdille oo ka koobanβ¦..
1.Gudiga horumarinta G.Mudug.
2.Ganacsato ka timid dibada.
3.Maamulka Magaalada Galkacyo.
Caawa ayay kulan la qaateen Madaxweynaha Dowlada PL,iyagoo ay weheliyaan Xildhibaanada kasoo jeeda Gobolka Mudug.
Kulanka,waxaa looga xaajooday Sadex arimood oo kala ahβ¦..
B.Amniga Gobolka?
Wuxuu Madaxweynuhu usheegay reer Mudug in uu soo dirayo Ciidan Boolis cusub ah iyo Ciidan kale oo ay xoojinayaan amaanka.
T.Biyo saarida Magaalada?
Wuxuu Madaxweynuhu xaqiijiyay qoondadii Maamulka laga rabay ee dhamayd $1-Milyan in ay diyaar ka tahay.
Sidoo kale Gudiga horumarinta G.Mudug,ayaa goobta ka sheegay in qoondadii Deegaanka ee ahayd $1-Milyan ururinteedii la wado,isla markaana qoondadii qurba joogta oo ahayd $1-Milyan qayb laga helay inta kalana laga sugayo.
Wajiga 1-aad ee Biyo saarida Galkacyo,waxaa loo qoondeeyay $3-Milyan,waxaase loo baahnaan doonaa ugu yaraan $10-Milyan oo kale.
J.Dhismaha garoonka diyaaradaha?
Madaxweynuhu,wuxuu aqbalay codsigii ahaa in ganacsato ay maalgashato garoonka si rasmi ah,waxaana laysla qaatay arimaha farsamada in ay kawada shaqeeyaan Wasaarada iyo ganacsatada.
Ganacsatada maalgashanaysa dhismaha garoonka,ayaa sheegtay in ay hayaan dhaqaalihii kala bar,iyagoo ku qiimeeyay dhismaha garoonka in ay ku baxayso $ 20-Milyan.
Kulanku,wuxuu kusoo dhamaaday isafagarad buuxa iyo duco.
Xaqiiqdii Madaxweyne Deni,waa dhaqaajiyay baahiyihii Gobolka ee kala ahaaβ¦..
B.Wadada Galkacyo-Bacaadweyn.
T.Garoonka diyaaradaha Galkacyo.
J.Biya saarida Galkacyo.
X.Wadada Garacad-Goldogob oo hada maraysa heerkii ugu danbeeyay oo Dowlada Imaaraadku ku ogolaanayso bilaabida dhismaheeda.