Madaxweynaha Puntland, H.E Said Abdullahi Deni ayaa maanta ku wajahan degmada Goldogob ee gobolka Mudug, halkaas oo uu kulamo kula yeelanayo maamulka degmada, saraakiisha iyo odayaasha dhaqanka oo uu ugu horreeyo Ugaas Cabdiraxmaan Ugaas Maxamed.
Diyaar-garowga soo dhaweynta Madaxweyne Deni ayaa si weyn looga dareemayaa degmada Goldogob.
Safarka Madaxweynaha ee Goldogob ayaa kusoo aadaya xilli si nabad ah xal looga gaaray maleeshiyaad hubeysan oo kasoo jeeda Goldogob, kuwaas oo horey u sheegay in ay yihiin Ciidan Federal, balse dadaalo ay sameeyeen Waxgaradka Beesha Leelkase lagu soo afjaray, kuna biireen Ciidanka Puntland, iyadoo la mariyay diiwaanka Ciidanka Dowladda, lana qorsheynayo in tababar dib loo galiyo.
IDILNEWS