Maleeshiyaadka uu haysto horjooge Jimcaale Jaamac Takar ee degan Xerada Ligle ee duleedka Garoowe ayaa go’aan laga gaaray, kaddib dadaalo ay wadeen todobaadyo Guddi kasoo jeeda Beesha Ciise Maxamuud.
Qodobo dhowr ah ayaa la gaaray, kuwaas oo taabanaya jiritaanka maleeshiyaadka oo asal ahaan kasoo jeeda Ciidanka Kumaandooska Madaxtooyada Puntland ee DANAB, muddo sanad ahna sheegayay inay yihiin Ciidan Federal oo ka Amar qaata Madaxweynaha waqtigiisu dhammaaday ee Xassan Shiikh Maxamuud.
Qodobadda ayaa waxaa ugu muhiimsan;
1. In maleeshiyaadka laga galiyo diiwaanka Ciidanka Dowladda Puntland, laguna xareeyo dugsiyada tababarada ciidamada Puntland ee.
2. In Dowladda Puntland la wareegto gaadiid, hubka iyo Xerada Ligle.
3. In isbedel lagu sameeyo hoggaanka Ciidanka, loona magacaabo sarkaal dowladdeed, lana siiyo xuquuqdooda, si lamid ah Ciidamada kale ee Dowladda Puntland.
Jimcaale ayaa dalbanaya in la amba-bixiyo lana siiyo dhaqaale uu isaga bixiyo deymo uu sheegay in maleeshiyaadka dartood uu u galay, maadama uu ku doodday in aysan jirin lacag adeeg oo kasoo gaaraysay maamulka Xassan Shiikh, marka laga soo tago mushaarka.
IDILNEWS