Taliska Qeybta Booliska gobolka Mudug ayaa gacanta ku dhigay eedeeysane Cabdiqani Cumar oo ku eedeeysan dilka Farxaan Yuusuf Warsame, oo 4 bishan August ka dhacay Tuulada Af-Gub oo hoostagta degmada Bursaalax.
Hoos ka akhriso qoraalka kasoo baxay Taliska Qeybta Booliska gobolka Mudug.
Taliska Qaybta Booliska Gobolka Mudug, oo kaashanaya Taliska Qaybta Booliska Gobolka Sool, ayaa gacanta ku dhigay eedeysane C/Qani Cumar Cali, oo ku eedeysan dilka Marxuum Farxaan Yuusuf Warsame, kaas oo dhacay 4-tii Agoosto 2026.
Eedeysanaha ayaa lagu qabtay degmada Laascaano, waxaana haatan lagu hayaa gacanta Booliska Gobolka Mudug, iyadoo la filayo in baaritaanno dheeraad ah lagu sameeyo kiiska.
Si khaasa taliska qaybta police ka gobolka mudug wuxuu u mahad celinayaa eheladda eedeysanaha oo markasta fure u ahaa sidii loo soo qaban lahaa wiilkooda gaystay dilka runtiina xog kasta la wadaagayey laamaha police ka gobolka mudug illaa iyo soo qabashadiisa
Dilka Marxuum Farxaan Yuusuf Warsame ayaa ka dhacay tuulada Af-Gub, oo ka tirsan degmada Bursaalax ee Gobolka Mudug, waxaana la sheegay in dilka loo adeegsaday toorey.
Booliska Gobolka Mudug ayaa wada baaritaanno ku saabsan dhacdadan, waxaana eedeysanaha la horgeyn doonaa sharciga marka baaritaanku soo dhammaado.
IDILNEWS