Qarax baabuur oo aad u weyn oo ka dhacay gobolka ku yaalla koonfurta dalka Afghanistan ee Helmand, ayaa dilay ugu yaraan 29 qof, islamarkaana dhaawacay in ka badan 60 kale.
Goobjoogeyaal ayaa sheegay in askar iyo shaqaale dowladeed ay isugu soo baxeen dibedda bankiga New Kabul ee magaalada caasimadda u ah gobolka ee Lashkargah, si ay mushaharkooda u qaataan markii qaraxa lagu weeraray.
Afhayeen u hadlay maamulka gobolka, Omar Zwak, ayaa VOA u sheegay in qaar ka mid ah kuwa dhaawacmay โay ku sugan yihiin xaalad liidataโ. Waxa uu intaas ku daray in shaqaale milatari iyo kuwo rayid ah ay ka mid yihiin dhibanayaasha.
Qaraxan dhimashada badan ayaa yimid maalmo un ka hor dabaal degga ciidda ee dalka Afghanistan oo la filayo inay ku beeganto axadda.
Illaa iyo hadda ma jirto cid sheegatay masโuuliyadda qaraxa.
Helmand waa gobolka ugu ballaaran ee dalka Afghanistan oo inta badan dhulkiisa ay maamulaan ama saameyn ku leeyihiin kooxda Taliban.