Madaxweynaha Puntland, Siciid Cabdulaahi Deni ayaa sheegay in ku buurista Haweenka ee Booliska Puntland ay Sare u qaaday Tayada Hay’addaha Ammaanka.
Siciid Deni oo hadal ka jeediyay Shirweynaha Haweenka Puntland oo Garoowe ka furmay maanta, ayaa xusay in Booliskii u dambeeyay ee kasoo baxa dugsiyada tababarada ciidamada Puntland ay noqdeen hormuud, ayna Askartii kala gashay kaalmaha hore ee Shiishka iyo Oradka ahaayeen Gabdho.
Wuxuu intaa ku daray in Garsoorka Ciidamada Puntland ay soo galeen gabdho badan, oo uu magacaabay, isagoo ku dhiirageliyay in ay labo jibaaraan dadaalkooda.
Shirweynaha Haweenka Puntland oo saddex maalmood ka socon doona Garoowe, ayaa ay isugu yimaadeen boqollaal Haween ah oo ka kala yimid 9 gobol ee Puntland. Waxaan hal-ku-dhigga sanadka uu yahay “Haweenkeenu waa Wadnaha Puntland”.
IDILNEWS