Booliska Dowladda Puntland ayaa ka celiyay kantaroolka Bari ee caasimadda Garoowe maleeshiyaad hubaysan oo sheegay in ay yihiin ilaalada Maxamuud Mashruuc oo 2023 sheegay in uu tartami doono Madaxweynaha Puntland, balse ka baaqsaday galista hoolka doorashada.
Booliska Puntland ayaa ku amray maleeshiyaadkan in ay dib uga laabtaan kantaroolka, Mashruuc-na yahay qof caadi ah oo aan u baahnahay ilaali intaa dhan, deegaankuna nabad yahay. Balse, way ka Biyo diideen iyagoo isku dayay in ay kantaroolka jiiran, taas oo keentay in ciidamadu rasaas u adeegsadaan, waxaana la sheegay in ay ka dhaawacmeen 2 nin maleeshiyaadka hubeysan.
Maxamuud Mashruuc oo kamid ah xubnaha u adeegga Xassan Shiikh, ee Amni darrada ka wada Puntland – balse, ciidamada Amniga Puntland ayaa bilaabay howlgallo ka dhan ah kooxaha hubaysan ee u adeegaya danaha Xassan.
Si lamid ah, waxaa Garoowe maanta kasoo dagay Xassan Shire Abgaal oo kamid ah Wakiillada Xassan Shiikh ee falalka Ammaan darro ee Puntland, isagoo si caadi ah uga soo degay garoonka, kana dheeraaday in maleeshiyaad hubaysan kaxeysto.
Khamiistii, Amar kasoo baxay Golaha Wasiirada Puntland ayaa lagu mamnuucay in maleeshiyaad hubaysan’ oo aan ahayn ciidan Dowladdeed ay ku dhex socdaalaan gudaha deegaanada Puntland.
IDILNEWS