Dowladda Puntland iyo Ganacsatada ayaa heshiis ka gaaray khilaaf soo kala dhexgalay maalmihii lasoo dhaafay, kaas oo salka ku hayay khidmad dowladdu ku kordhisay Maraakiibta kusoo xirta Dekedda Boosaaso.
Sida ku cad heshiiska Dowladda Puntland ayaa tanaasul ka muujisay go’aankeeda la xiriira in khidmada Maraakiibta laga qaadayo tahay $8, iyadoo laga dhigay $5 oo Kali ah, taas oo ay ku raaceen ganacsatadu.
Wasiirka Amniga Puntland, Ibraahim Xaaji Bakiin ayaa sheegay in heshiiskan uu dhaqangalay, ayna shaqeynayso Dekedda Boosaaso.
Kaddib heshiiska, ilaa 12 Doomood ayaa ku xirtay Dekedda, kuwaas oo sida badeecaddo kala duwan, waxaana ku qulqulaya Dekedda boqollaal Gaadiidka xamuulka qaadan ah.
IDILNEWS