Garoowe : 22 June 2025: Madaxweyne Ku-xigeenka Dowladda Puntland Mudane Ilyaas Cismaan Lugatoor,ayaa furay Shirweyne lagu soo bandhigayo xogta dhulka Puntland, sida….
1.Biyaha,Dhirta.
2.Deegaanka iyo isbedelka cimilada.
Xogtan,waxaa soo diyaarisay Hay’adda maamulka xogaha Biyaha iyo Kheyraadka dhulka Puntland ee IMC.
Shirka oo socon doona (22-23 June 2025) waxaa lagu soo bandhigay furitaankiisa xogo lagu ururiyey sahan cir iyo dhul laga sameeyay oo la xiriira Biyaha Puntland, Dhirta , deegaanka iyo isbedelka cimilada Puntland. Xogtaasi oo muhiimad gaar ah u leh Hay’adaha Dowladda si ay ugu go’aan qaataan.
Madaxweyne Ku-xigeenka Dowladda Puntland ayaa boggaadiyay shaqada ay hayso iyo xogaha cilmiyeysan iyo sahanka ay soo bandhigtay Hay’adda IMC, iyadoo adeegsatay (Drones) iyo Tiknoolijiyada kale ee casriga ah, wuxuuna ku booriyay Wasaaradaha iyo Hay’adaha kale ee Dowladda in ay ka faa’ideystaan xogahan si ay ugu saleeyaan qorsheyaashooda iyo adeega dowladnimo ee bulshada loo hayo.
Munaasabadda waxaa ka qeybgalay Goleyaasha Dowladda Puntland, Masuuliyiinta Hay’adda IMC iyo Wakiillo ka socda Hay’adaha ay wada shaqeeyaan, khuburo xaga xogaha iyo deegaanka ah iyo marti sharaf kale .
-DHAMMAAD-
-XAFIISKA WARFAAFINTA MADAXTOOYADA DOWLADDA PUNTLAND-