Aan labo u kala qaadno Shirka Baydhabo iyo damacii hore ee Madaxweyne Xasan Shiikh iyo Gudoomiye Aadan Madoobe.
Damacii Xasan iyo Aadan?
Xasan iyo Aadan Madoobe waxaa la dhihi karaa waxay soo taabteen darbiga oo Labadoodu waxay la hareen ma jirin.
Xooga dib ugu laabo xasuusta meeshay ka soo bilaabatay.
Lafta gareen waxaa la galiyay go’doon Siyasadeed,iyadoo lagu abaabulay Shirar isdaba joog ah oo Xamar ka dhacayay.
Sidoo kake,waxaa lagu aasaasay Madal xoogan oo waliba Hubaysan.
Waxaa lagu furay Idaacadi Dowlada oo Habeen walba lagu qabanayay Barnaamijyo iyo doodo ka soo horjeeda Madaxweyne Lafragareen.
Arimahaas waxaa abaabulkooda iyo Kharsh garayntooda bixinaysay Villa Somaliya.
Laftagareen iyo isdifaaciisii?
Madaxweyne Lafta gareen markuu nafta u yaabay,ayuu soo saaray Amaro culus oo ay ka mid ahaayeen in cid aan fasax ka haysan maamulka aysan Diyaaraduhu soo qaadi karin.
tilaabadii xigtay waa tii barigaas xasan iyo itoobiya xooga la isku xumaa boqashadiisii masar.
Madaxweyne Lafta-gareen,waxuu ka faa’idaystay fursad Siyaasadeed oo ka dhalatay madmadow soo kala dhexgalay Itoobiya iyo Dowlada Fadaraalka Somaliya.
Laftagareen,waxuu uduulay Itoobiya,isagoo soo samaystay Dhufays adag iyadoi Ciidamada Itoobiyaanka ee jooga Baydhabo amar lagu siiyay inay ka amar qaataan isaga.
Ugu danbayn Lafta-gareen wuxuu fashiliyay Kacdoonkii hubaysnaa,waxuuna Baydhabo ka dhex muuniyay awood.
Madaxweyne Deni iyo doorkiisii xaalada KG?
Madaxweyne Xasan,waxuu ka dalbaday Madaxweyne Deni xiligaas in Madaxweyne Lafta-gareen hoos loola hadlo oo uu wax walba waa ogol yahay.
Markaas Madaxwayne Deni,ayaa Madaxweyne Lafta-gareen Garowe ku casumay hawshiina dhameeyay boqashadiisii Garowe ka dib,ayaa Aadan Madoobe shirkan ku dhawaaqay.
Shirka dibuheshiisiinta ee Baydhabo?
Madaxweyne Xasan iyo Gudoomiye Aadan
Madoobe darbiga ayay soo taabteen,wax walba oo ay Madaxweyne Lafta gareen meesha uga saari karaana ma reeban.
Shirkan,waxaa lagu tilmaami karaa Shir Dowlada Fadaraalku ku qarinayso fashilkii
Siyaasadeed ee kaga dhacay Koonfur-galbeed.
Shirku Haduu amaan leeyahay
waxaa leh Madaxweyne Lafta gareen oo aqbalay isagoo guulaystay in uu hor fariisto kooxdii kale una ogolaaday in ay Baydhabo yimaadaan.
Madaxweyne Xasan,wuxuu ku amaanan yahay markuu arkay in uu fashilmay damaciisii guracanaa ee lidka ku ahaa Lafta gareen in uusan khaladkiisii ku sii adkaysan ee uu ka soo laabtay.
Gunaanad”
Baydhabo xiligan waa lagu kala adkaaday ee laguma hishiin,waana lays gaadayaa markale.
Oday Somaliyed.