Warbixin uu daabacay machadka Arrimaha Dibedda ee dalka Itoobiya (IFA) ayaa lagu sheegay in doodda Somaliland ee aqoonsiga dalnimo uu ka gudbay miisaska caalamiga ah, lana aaday aqoonsi ku dhisan iskaashi Amni, dhaqaale iyo dublamaasiyadeed.
IFA ayaa sheegay in amni darrada ka jirta Badda Cas ay u soo jiiday Somaliland quwado waa weyn, maadama Dekedda Berber ay dhacdo aag muhiim u ah nabadgelyada Badda Cas.
Itoobiya ayuu machadka IFA ugu yeeray inay hirgaliso heshiiskii Somaliland, kaas oo dhigayay in Itoobiya gaarto Biyaha Somaliland, waxaana uu intaa ku daray in doodda DFS ee fadhigeedu yahay Muqdisho uusan ka helin masraxyada caalamiga ah aqbal, maadama uu yahay mid jaban.
Ku tiirsanaanta Itoobiya ee Dekeddaha Jabuuti ayuu sheegay in loo baahan yahay in la yareeyo dhabaha iskaashi lala yeesho Somaliland, kaas muhiim u ah Itoobiya.
IFA ayaa intaa ku daray in Masar iyo Turkigu Isha ku hayaan dhaqdhaqaaqyada Somaliland, iyagoo awood siinayay maamulka Soomaaliya ee jooga Muqdisho. Qaahira ayuu machadku xusay inay u aragto goob istiraatiijayadeed oo ay ka xoojin karto loollanka ay kula jirto Itoobiya, kaas oo salka ku haya muran Biyaha webiga Nile oo Addis Ababa ka hirgalisay Biyo xireen weyn oo si baaxad leh u dhimay saamigii Biyaha webiga ay ka heli jirtay Masar.
Hoos ka akhriso warbixinta uu daabacay Machadka IFA ee dalka Itoobiya.
https://www.ifa.gov.et/blog/699
IDILNEWS