Xildhibaanada Golaha Wakiillada Puntland ayaa meelmariyay Ajandaha Kalafadhigga 58aad ee Gollaha, iyadoo dood adag ay xildhibaanadu ka yeesheen qodobadda qaar.
Illaa 20 kamid ah Xildhibaanada Baarlamaanka Puntland ayaa doonayay in Ajandaha lagu soo daro u yeerista Madaxweynaha Dowladda Puntland, Mudane Siciid Cabdulaahi Deni, si loo weydiiyo su’aalo.
Intaa kaddib, Waxaa cod la galiyay qodobkan oo ahaa mid xasaasi – 24 kamid ah Xildhibaanada ayaa diiday u yeerista Madaxweyne Deni, sida uu ku dhawaaqay Guddoomiyaha Golaha Wakiillada Puntland, Cabdirisaaq.
Ajandaha oo la filayo in berri loo qeybiyo Golaha ayaa lagu daray dhowr qodob oo kale oo xildhibaanada mucaaradka sheegayaan in ay ku carqaladeeyn doonaan xukuumadda – sida xasaanad siinta xubnaha cusub ee xukuumadda, ka dooddis xisaab xirka miisaaniyadda 2025 iyo u yeerista masuuliyiinta qaar.
IDILNEWS