Garowe : 01 Luulyo 2025: Madaxweynaha Dowladda Puntland Mudane Siciid Cabdullaahi Deni oo ay weheliyaan Madaxweyne Ku-xigeenka Dowladda Mudane Ilyaas Cismaan Lugatoor iyo Guddoomiyaha Golaha Wakiillada Mudane Cabdirisaaq Axmed Said, ayaa bulshada kala qeybgalay munaasabadda xuska 1-da Luulyo ee sanad-guurada 65-aad ee kasoo wareegatay maalinta Xornimada iyo Midowga Soomaaliyeed.
Munaasabadda oo ka dhacday barxada caasimada Garoowe, waxaa Madaxdu goobjoog u noqotay Calansaarka, Iyadoo Madaxweynaha Dowladda Puntland Mudane Siciid Cabdullaahi Deni, uu salaan ka qaatay cutubyo ka tirsan Ciidanka Dowladda Puntland.
Madaxweynaha ayaa khudbadiisa uga hadlay midnimada iyo wadajirka dadka Soomaaliyeed, isagoo xusay in Dowladda Puntland ay marwalbo u taagantahay dhismaha Dowladnimada Soomaaliyeed, wuxuuna u digay cidkasta oo ka shaqeynaysa kala qeybinta bulshada Puntland.
- DHAMMAAD-
-XAFIISKA WARFAAFINTA MADAXTOOYADA DOWLADDA PUNTLAND-
