Itoobiya,ayaa si rasmi ah ugu dhawaaqday in ay ku guulaysatey aruurinta 10 bilyan oo dollar si ay u dhisto garoonka diyaaradaha ugu weyn Afrika…
Garoonkan ayaa lagu wadaa in laga dhiso meel qiyaastii 40 KM dhanka koonfureed kaga beegan magaalada Addis Ababa, iyadoo la filayo in garoonkaasi ay ku baxdo lacag dhan 10 bilyan oo dollar.
Garoonku waxa uu awood u yeelan doonaa in uu qaado 100 milyan oo rakaab ah sannadkii, waxaanu noqon doonaa kan ugu weyn Afrika.
Waxa uu noqonayaa garoonkii ugu horeeyay ee Afrika oo ay ka hawlgalaan sirdoonka macmal ah iyo robots ku hadla afafka aduunka oo dhan.
Shirkadda Ethiopian Airlines ayaa ku dhawaaqday in ay ka heshay lacag dhan 5-Bilyan oo dollar Bangiga horumarinta Afrika oo hoos yimaada Midowga Afrika.