Faah-faahin dheeraad ah Miisaaniyadda sanadka 2026
Miisaaniyad sanadeedka 2026 ee Dowladda Puntland waxay ka koobantahay dakhli lagu maamulayo Khasnadda Dowladda (On-budget) iyo Dakhli ka baxsan Khasnadda Dowladda (Off-budget). Miisaaniyadda sanadka 2026 waxay noqonaysa wadarta guud $ 315,783,344 Sanadkii.
Dakhliga gudaha ee Miisaaniyadda sanadka 2026 wuxuu noqonayaa $117,612,300 wuxuu ka soo xaroonayaa dhamaan Gobollada Puntland wuxuuna kordhay 16% marka loo eego sanadka 2025, iyo kab Miisaaniyadeed oo dhan $22,541,685 sanadkii, taas oo dakhliga gudaha ee Khasnadda dhexe lagu maamulayo ka dhigaysa $140,153,985 sanadkii, sidoo kale Mashaariicda Bankiga Aduunka ee soo maraya Khasnadda dhexe ee Dowladda Puntland waxay noqonaysa $39,495,472 sanadkii, wadarta guud ee dakhliga lagu maamulayo khasnadda Dowladda Puntland oo dhan $179,649,457 Sanadkii.
Dakhliyadda ka baxsan Khasnadda Dowladda ee kala ah Mashaariicda Qaramadda Midoobay, Hay’adaha caalamiga ah, Mashruuca Bankiga Horumarinta Africa iyo dawladaha hoose oo wadar ahaan dhan $136,133,887 sanadkii, Miisaaniyaddan ayaa ah kuwo ay maamulaan hay’adaha ay qusayso, kuna fuliya mashaariic horumarineed oo u qoondaysan. Miisaaniyadda mashaariicda caalamiga ah ee sanadka 2026 waxay hoos u dhacday 57% marka la barbardhigo qoondada sanadka 2025 waana isbedel ku yimi guud ahaan deeqihii caalamka oo uu hoos udhac xoogan kuyimi.