8000-Askari oo ka mid ah Ciidamada Badda Maraykanka ,kuwooda ugu awooda badan,ayaa loo daabulay Bariga Dhexe.
Sidoo kale diyaaradaha dagaalka ugu muhiimsan oo ay ku jiraan Apacha Helokobtar iyo B-A-10 Worthog,ayaa loo diray Gobolka.
Qorshaha la diyaarinayo,waa Todobaadka Afraad oo lagu bartilmaameedsanayo Marinka Hormus iyo xarumaha Tamarta.
Waxaa la qiyaasaa ugubadnaan Afar cisho oo diyaar garow ah kadib in ay suurtageli karto in Ciidamo Maraykan ah Dhulka Iran galaan.
Hadii Marinka Hormus uu furo Trump,waxaa hoos udhacaya qiimaha Shidaalka caalamka,taasoo ka yaraynaysa cadaadiska oo usii sahlaysa in uu Todobaadyo kale sii wado dagaalka ka dhanka ah Wadaadada.
Wadaadada fursada kaliya ee ay haystaan,waa in dagaalku dabadheeraado oo qaylada ka imaanaysa xulufada Maraykanku sababto in dagaalka la joojiyo.
Sadexdii Todobaad ee lasoo dhaafay,waxaa lagu guulaystay in la diciifiyo awooda Gantaalada Wadaada,taasoo sahlaysa in diyaaradaha Maraykanku si wal wal la’aan ah uga hawlgalaan Hawada Iran,iyagoo taageeraya Ciidamada Dhulka ka hawlgalaya.
Inkastoo ay Wadaadadu sheegteen in ay Gantaal la beegsadeen diyaarada aan caadiga ahayn ee F-35,mase jirto sheegashadooda cid xaqiijisay,waxaase jirta in Maraykanku sheegay in diyaaradaas ay si badqab ah ugu degtay mid ka mid ah Saldhigyada Mileteri ee Bariga Dhexe ee Maraykanka.
F-35 oo Raadaaradu aysan qaban karin in Gantaal lala eegto,waxay ka dhigaysaa markii ugu horaysay oo waxyeelo la gaarsiiyo diyaarad noocaas ah haday dhab noqoto.