Maraykanku si cad,ayuu usheegay in uu ilaalinayo midnimada,madaxbanaanida iyo qaranimada Somaliya.
Warkan SL uma ahan mid ay ku farxayso oo wuxuu muujinayaa in Maraykanku uusan ku raacsanayn Israa’iil aqoonsiga SL ay siisay.
Balse,wuxuu Maraykanku sheegay in xiriirka SL uleeyahay muhiimad weyn markay timaado diblomaasiyada,amniga iyo maalgashiga,meelaha uu Isha ku hayana ay ka mid yihiin Juquraafi ahaan halka ay ku taal ee Marin Biyoodka ah iyo Dekeda iyo garoonka Berbera.
Sidoo kale,waxay warbixintan muujinaysaa in dadaalkii SL ay ka dhex waday Kongareeska Maraykanka iyo machadyada Trump taageera ay guuldaraysteen.
Waxay kaloo warbixintan noqonaysaa in ay fashilmeen shaqadii Lobistayaashii Taiwan,Israa’iil iyo kuwii Imaaraadku umaalgeliyay SL ee ka shaqaynayay in ay Trump ka dhaadhiciyaan aqoonsiga SL.
Warbixintan Dowlada Maraykanka micnaheeda Diblomaasi,waa in Maraykanku soo celiyay siyaasadii Laba Wajiilaynta ee ahayd SL,PL, iyo K& B,(Somalia Dual Track Policy).
Waxay warbixintan tilmaamaysaa in Maraykanku si toos ah ula macaamiilo doono Deegaan walba oo Somaliyed oo danihiisa Qaran ay ku xiran tahay.
Todobaad ka hor,waxaa tagay Garowe wefti Maraykan ah oo iskugu jira Siyaasad iyo Milleteri,kuwaasoo PL kala xaajooday Sadex arimood oo waa weyn oo kala ah…..
- Amniga oo Saldhig Ciidan ka dhisanayo Bosaso iyo hawlgalkiisa la dagaallanka argagixisada ee Somaliya oo uu PL Xarun uga dhigayo.
2.Maalgashiga oo Shirkadihiisa Shidaalka iyo kuwiisa Macdantu maalgashanayaan dhulka PL.
3.Diblomaasiyada oo Qunsuliyad uu uga furanayo Garowe.
Siyaasadan Laba Wajiilaynta oo horay loo hakiyay,ayaa soo celinteedu,waxay tilmaan utahay fashilka lagala kulmay dhismaha Dowlad dhexe oo Somaliyed oo leh sharciyad adag.
