Badhan : 27 April 2026: Madaxweynaha Dowladda Puntland Mudane Siciid Cabdullaahi Deni ayaa galabta tababar u furay cutubyo ka tirsan Ciidanka Daraawiishta Dowladda Puntland, kuwaas oo lagu tababarayo xerada tababarka Ciidanka ee Jen. Giriin ee magaalada Badhan.
Madaxweynuhu wuxuu xusay in Dowladda Puntland isku filan tahay dhinac kasta oo amniga la xiriira, isla markaana Ciidankeennu tusaale u noqday dalal badan, kadib markii la arkay sida ay u burburiyeen cadowga Daacish ee adduunku muddada dheer la tacaalayay.
Munaasabadda waxaa Madaxweynaha ku weheliyay Guddoomiye Ku-xigeenka Koowaad ee Golaha Wakiillada Mudane Maxamed Baari Shire, Taliyaha Ciidanka Daraawiishta, Taliyaha Ciidanka Booliska DPL, xubno ka tirsan Golayaasha Dowladda, masuuliyiinta gobolka Sanaag iyo degmada Badhan.
— DHAMMAAD —
- XAFIISKA WARFAAAFINTA MADAXTOOYADA DOWLADDA PUNTLAND-