Howlgal ballaaran oo ku bilowday hubka culus, ayna fulinayaan Ciidanka Amniga Puntland ayaa ka socda magaalada Gaalkacyo ee xarunta gobolka Mudug.
Ciidanka Puntland ayaa madaafiic la dhacaya xerada ilma Diyaano ee Gaalkacyo oo ku taalla xeyndaabka garoonka diyaaradaha Cabdulaahi Yuusuf, waxaana ciidamada lugta kusii siqayaan aaga Xerada.
Sidee Dagaalku ku bilowday ?
Maleeshiyaadka Ilmo Diyaano ayaa aroornimadii hore ee saaka hoobiyayaal ka riday xeradooda, kaddib markay dareemeen dhaqdhaqaaqyo Ciidan oo ka socda farriisimaha Ciidanka Puntland ka sameysteen nawaaxiga xeradooda.
Mid kamid ah hoobiyayaasha ayaa ku habsaday xaafado ku yaala Barriga Gaalkacyo, gaar ahaan Buula-dooro, kuwaas oo sababay dhaawacyo, waxaana intaa kaddib soo baxay Amar ka yimid Taliska Sare ee Ciidanka, kaas oo lagu faray saraakiisha inay ka tallaabo qaadaan maleeshiyaadka ilma Diyaano.
Maxamuud Diyaano iyo maleeshiyaadka taabacsan ayaa horay dagaal uga galay gudaha magaalada Boosaaso, waxaana xilligaas culeyska Ciidanka Dowladda Puntland ay isaga yareeyeen hoobiyayaal ay la dhaceen xaafada Boosaaso, iyadoo ay ku dhinteen dad shacab ah.
IDILNEWS