Hub uu maamulka waqtigiisu dhammaaday ee Xassan Shiikh ka dejiyay garoonka diyaaradaha Koonfurta magaalada Gaalkacyo, loona wadday maleeshiyaadka ilma Diyaano ayaa la dhacay, kaddib markii ay jidka u galeen maleeshiyaad hubaysan.
Hubka oo u badnaa hoobiyayaal, lagana soo saaray kaydka Ciidanka Xoogga Dalka Muqdisho, ayaa lagu soo qaaday diyaarad. Waxaana ayaa qorshuhu ahaa in la geliyo Xerada ay ku jiraan maleeshiyaadka ilma Diyaano ee uu horjoogaha u yahay Maxamuud Diyaano, taas oo ay hareereeyeen Ciidanka Dowladda Puntland.
Sirdoonka Puntland ayaa si dhow ula socday hubkan, waxaana laamaha Ammaanka gobolka Mudug lagu wargeliyay soo qaadista hubka iyo dajintiisa.
Maleeshiyaadka hubka qabsaday ayaa la xaqiijiyay in ay yihiin Hal qoys, waxaana fashilmay isku day ay sameeyeen Ciidan galbinayay hubka, oo doonayay in ay difaacaan, balse iska hor imaad dhexmaray ayaa keenay inay ku awood roonaadaan maleeshiyaadka.
IDILNEWS