Trump,ayaa ku dhawaaqay in Ciidamada Maraykanka waxyar ka hor ay bilaabeen dagaal ka dhan ah Iran oo ay ku difaacayaan amniga muwaadiniinta,danaha Maraykanka iyo xulafadooda.
“Nidaam khatar kusoo ahaa danaha Maraykanka ee Gobolka 47-sano in meesha laga saarayo,ayaa Trump hadalkiisa xigmadiisu kusoo ururaysaa”.
Si cad,ayuu Trump fariin ugu diray Shacabka iyo Ciidanka Iran in ay iska tuuraan Wadaada oo ay ka hor yimaadaan ayna bilaabaan Kacdoon isbadal keena.
Markii si dhexdhexaad ah loo qiimeeyo oo laga fogaado nooc walba oo caadifad ah lagana duulo danaha istiraatijiyadeed ee wax lagu saleeyo Trump xisaabtu kama khaldana.
Iran,waa quwad Gobolka Bariga dhexe ah oo khatar ku ah danaha isbahaysiga Maraykanka.
Hawlgalkan lagu burburinayo Boqortooyada Shiicada caalamka,waxaa Maraykanka kula socda Muslimiinta Sunniga ah….
1.Sacuudiga oo Geed fadhi ah.
2.Imaaraad.
3.Qatar.
4.Cumaan.
5.Baxrayn.
6.Kuweyt.
7.Masar.
7.Turki.
8.Urdun.
Dhamaantood Wadamadan oo ka duulaya danahooda amni,siyaasadeed iyo dhaqaale ee Qaran,waxay danaynayaan Wadaada Iran oo meesha laga saaray.
Ugu yaraan,waxay rabaan Iran oo noqota sida Turki Dal xasiloon oo Saliid leh oo Dimuqraadiya.
Dagaalkan hadaysan Wadaadu aqbalin dalabka Maraykanka,wuxuu qaadan doonaa mudo dheer oo ugu danbayn ay ku jabi doonaan Wadaadu.