Mamdani,wuxuu ku dhashay Dalka Uganda,waana 34 jir qaatay dhalashada Maraykanka 2018-kii,waxaa dhalay Aabe Prof.Jaamacadaha wax ka dhiga ah iyo Hooyo Filinada wax ka samaysa oo asalkoodu Hindi yahay,balse Ugandha ka yimid.
7-sano kadib New York,ayuu hogaamiyay magaalada ugu dadka badan Maraykanka oo Miisaaniyadeedu ku dhowdahay $2-Tirilyan.
Dimuqraadiyada ay hormuudka ka yihiin reer galbeedka,ayay utahay sharaf guusha Mamdani,waxayna sii xoojinaysaa doorkooda curadnimo ee hogaaminta caalamka.
Majiro Wadan aan R.Galbeed ahayn oo Qof soogalooti weli ay sii muuqato wakhtigii uu yimid ama kasoo jeeda bulshooyinka laga tirada badan yahay dad ahaan iyo diin ahaanba loo doorto hogaamin kursi sare.
Dimuqraadiyada R.Galbeedku,waxay soo saartay Khan oo London hogaaminaya iyo Mamdani oo New York hogaaminaya,halka Ruush,Shiine,Carab iyo Turki aysan waxba soo kordhin.
Waa astaan utaagan Dimuqraadiyada iyo xoriyada muuqaalada Mamdani oo ku tukanayay mid ka mid ah Masaajidada New York oo marka laga tusaale qaato waaqiciga hada jira ay la yaab tahay Duqii New York oo Masaajid ku tukunaya.
Diintaad rabto hayso ee kaliya aqbal kala duwanaanshaha,wada noolaansha iyo wax wada lahaanshaha fariin oranaysa,ayay diraysaa arintan.
Muslimka ku nool New York,waxay ka noqonayaan Bulshada ku dhaqan 10%,waxaana codka siiyay Bulshooyin kala Diin ah oo ay midaysay Nolosha New York.
Si gaar ah Dadka Cadaanka ah,ayay utahay fariin ay udirayaan caalamka Islaamka oo ay leeyihiin… (Ma ogolin cunsiriyad ka dhan ah Islaamka).
Mida kale oo macnaha usamaynaysa Maraykanka oo dhacdadan ku jirta,waa in Maraykanku yahay Dhulka ilbaxnimada,nolosha iyo fursadaha oo waxay sii xoojinaysaa uhayaanka Caqliga iyo aqoonta caalamku uhayaamay halkaas.