Dowladda Puntland ayaa gabagabeynaysa maalmaha soo socda tababar Feero-celin ah oo loo sameeyay Kumanaan kamid ah ciidamada Difaaca Puntland, gaar ahaan Daraawiishta.
Dugsiga tababarka Gen. Giriin ee degmada Badhan ee gobolka Sanaag ayaa kamid ah dugsiyada ay kasoo bixi doonaan ciidamadu, waxaana Feero-celin ku maray dugsigan ilaa 2000 kun oo askari, kuwaas oo badidood kasoo dagaallamay buuraleyda Calmiskaad.
Sidoo kale, Dugsiyada kale ee ciidamada Puntland oo uu kamid yahay dusgsiga Xorgoble ayaa ay kasoo bixi doonaan ilaa 2000 kun oo kale oo askari, kuwaas oo loo sameeyay Feero-celin.
Idilnews ayaa ogaatay in ciidamadan laga xuli doono ilaa 1500 oo askari, kuwaas oo geli doonaan tababaro khaas ah, loona diyaarin doono Kumaandoos ahaan, iyadoo ciidamada ay tababari doonaan saraakiil Ajaanib ah, oo u badan xubno sare oo ka socda Milateriga Itoobiya.
Sidoo kale, Puntland ayaa lasoo degtay bilihii u dambeeyay gaadiid dagaal oo fara-badan iyo hub kala duwan, si loogu qalabeeyo ciidamada dib u maray tababarka.
IDILNEWS