Cabdulaahi Diyaano oo horjooge u ah maleeshiyaadka ku jira Xerada Boosaaso ayaa xiriir lasoo sameeyay Saraakiisha Ciidanka Dowladda Puntland, isagoo ku wargeliyay in uu diyaar u yahay in Dowladda ay ku wareejiyaan Xerada, gaadiidka iyo hubka yaala.
Idilnews ayaa ogaatay in go’aanka ilma Diyaano uu yimid kaddib markii ay Dowladdu diyaarisay howlgal ballaaran oo lagu xaqiijinayo Amniga magaalada Boosaaso, lagulana wareegayo Xerada Ciidanka horey loo oran jiray PSF, ee hada saldhiga u ah maleeshiyaadka ilma Diyaano.
Dowladda Puntland ayaa u saartay Guddi saraakiil ah oo la wareega Xerada iyo agabka milateri ee yaal, iyadoo si nabad ah looga saari doono Xubnaha qoyska ilma Diyaano iyo maleeshiyaadka la jooga, oo isku dhiibaya Ciidanka Puntland.
IDILNEWS