Dagaal ayaa ka socda baadiyaha deegaanka Laag ee gobolka Bari, kaas oo u dhexeeya Ciidamada Difaaca Puntland iyo maleeshiyaadka hubaysan ee ka Amar qaata ilma Diyaano, kuwaas oo horey loo oran jiray PSF.
Idilnews ayaa ogaatay in dagaalkan uu yimid kaddib markii maleeshiyaadka ay dhaqdhaqaaq ka bilaabeen magaalada Boosaaso iyo deegaanada ku dhow dhow, iyagoo doonaya in khalkhal galin Amni ay sameeyaan. Ciidamo katirsan Daraawiishta Puntland ayaa ku baxay, waxaana socda howlgal la doonayo in hub ka dhigis loogu sameeyo.
Dhanka kale, Ciidamo ayaa la dul dhigay xeradooda Boosaaso, waxaana jira qorshe amni darro oo ay doonayeen in ay ka abuuraan gobolka, si loo wiiqo xasiloonida Amni ee caasimadda ganacsiga Puntland ee Boosaaso, kaddib howlgalkii ciribtirka argagaxisada Daacish, kaas oo Amniga, nolasha iyo ganacsiga Boosaaso wax ka bedelay.
IDILNEWS