Ka Puntland ahaan,waxaa uga filan ka falcelinta E-visa-ha iyo Kaarka aqoonsiga ee Villa Somaliya siyaasadaysay jawaabta uu ka bixiyay maamulka Mw Deni ee Dowlada PL.
Sidoo kale talaabooyinka SL ay qaaday,waa shaqo loo baahnaa oo ay mudan tahay in saxaafada PL ee fahamka leh taageerto.
E-visa-ha iyo Kaarka aqoonsiga,waa qorshe ka yimid FBI-da Maraykanka oo ku saabsan arimo amaan.
Villa Somaliya,ayaa siyaasadaysay oo ka leexisay wadadii saxda oo ay ahayd in Villa-da iyo qaybaha kale ee Somalidu kawada xaajoodaan sida ugu haboon ee la hawlgelin karo.
Tusaale?
Laba nooc,ayaa ka jira caalamka oo kala ah….
- In sida Kenya,Itoobiya iyo K.Afrika aan samaysano Kaar aqoonsi Qaran ah oo aan isla ogol nahay.
- In aan udaysano Basaboorka aqoonsiga Qaranka in uu noqdo oo aan isla qaadano Ruqsada Darawalnimada in ay noqoto aqoonsi rasmi ah sida Maraykanka, Kanada iyo Wadamo kale,iyadoo deegaan walba kiisa loo aqoonsanayo oo xogtana la wadaagayo.
Ceebta taagan ee sii foolxumaysay sawirkii aan awalba wanaagsanayn ee caalamku Somalida ka haystay,waxaa eedeeda leh Villa Somaliya oo siyaasadaysay arinkan.
Safaaraduhu kuma khaldana haday uwalwaleen xogta shaqaalahooda oo xataa Villa-du ku filnaan wayday in ay xaqiijiso amaanka barnaamijka ay wadato.
Haatan,way ka hakiyeen bixintii Visa-ha ilaa ay ka sugayaan amaanka Saver-ka la jabsaday oo waxay uqorayaan shaqaale dheeriya oo ilaaliya amaanka Saver-ka sida xogtu sheegayso.
Inta shaqadaas ay wado Villa Somaliya,waxaa Visa-ha laga sii qaadan doonaa sidii hore ee Hargaysa,Bosaso,Garowe iyo Xamar looga qaadan jiray.
Muranka taagan,waa xal oo wuxuu soo dadajinayaa wada hadal iyo in la hor istaago damaca kooxda Villa-da,waxaana arinka soo dhexgeli doona caalamka.