In kabadan 30 Askari oo kamid ah maleeshiyaadka ilma Diyaano ee horey loo oran jiray PSF, ayaa gacanta lagu dhigay, kuwaas oo kamid ah ilaa 60 maleeshiyaad ah oo xalay ka baxsaday Togga Madar Jiifle ee Laag.
Maleeshiyaadka ayaa ahaa kuwii watay gaadiidka dagaal, shalayna iska hor imaadka la galay ciidamada Difaaca Puntland. Waxaana markii la qabtay loo sameeyay gurmad, iyadoo la siiyay Biyo iyo cuno, halka lala tacaalay xaalada caafimaad ee qaarkood.
Taliska Howlgalka Ciribtirka Argagaxisada Puntland ayaa saaka sheegay in maleeshiyaadkan loogu talagalay in ay khal-khal gelin amn ka sameeyaan deegaanada Puntland, ayna u shaqeynayeen Madaxweynaha waqtigiisu dhammaaday ee jooga Muqdisho, Xassan Shiikh, balse laga hortagay.
Tallaabada Puntland ka qaaday maleeshiyaadka ilma Diyaano ayaa ah farriin adag oo ku wajahan kooxaha abaabulan ee ku jiheysan falal amni darro oo ka dhacay gudaha Puntland.
IDILNEWS