Inta la xaqiijiyay Hal ruux ayaa ku geeryooday tiro hoobiyayaal ah oo saaka ku dhacay qaar kamid ah xaafadaha magaalada Muqdisho, kuwaas oo ay tuureen argagixisada Al-Shabaab.
Hoobiyayaasha ayaa ku dhacay degmooyinka Xamar Weyn, Xamar Jajab iyo Waaberi ee Muqdisho. Todobaadyadii u dambeeyay Al-Shabaab ayaa kordhisay hoobiyayaasha ay ku tuurayso xaafadaha magaalada Muqdisho, gaar ahaan agagaarka deegaanka u ah Hay’addaha Dowladda iyo xeyndaabka sidda weyn loo ilaaliyo ee Xalane oo fadhi u ah safaaradaha iyo hay’addaha caalamiga ah.
Ma jiro wax war ah oo kasoo baxay laamaha amniga DFS, kaas oo ku aadan hoobiyayaasha lagu garaacay xaafadaha Muqdisho.
IDILNEWS