WAR-SAXAAFADEED.
Garowe: February 2026: Wasaaradda Arrimaha Gudaha, Federaalka iyo Dimuqraadiyeynta Dowladda Puntland waxay cambaaraynaysaa jadwalka doorashooyinka ee uu soo saaray Guddiga lagu muransan yahay sharaciyadiisa iyo jiritaankiisa labadaba ee doorashooyinka. Guddigaas oo jadwalka uu shaaciyey ku daray Degmda Galgodogob ee Gobolka Mudug oo ay horay uga dhacday doorashadii Goleyaasha Deegaanka Dawladda Puntland May 25, 2023, iyo Degmooyin kale oo tirsan Gobolada Sool iyo Cayn oo Dastuur ahaan ka mid ah Puntland.
Doorashooyinka Golayaasha deegaanka, Golaha Wakiilada iyo Madaxtooyadu waa awood dastuuri ah oo ay leeyihiin Dawladaha Xubnaha ka ah Dawladda federaalka, waxayna ku cad yihiin qodobka 120-aad ee Dastuurka ku meelgaarka ee Dawlada Soomaaliya.
Gudiga jadwalka soo saaray kuma dhisna heshiis iyo sharciyad midna, Puntland-na ma aqoonsana jiritaankiisa, kamana hawl geli karo dhulkeeda iyo xuduudaheeda dastuuriga ah.
Dawladda Puntland waxay guddigan u aragtaa aalad uu Xasan Shiikh Maxamuud u adeegsanayo
xasarad abuur, kala qaybin bulsho, ku tumasho sharci iyo wiiqitaanka hannaanka Federaalka ah ee lagu wada joogo.
Xasan Shiikh Maxamuud oo muddo-xileedkiisu dhammaad yahay wuxuu weli diidan yahay inuu talada dalka dhulka dhigo, wuxuuna is-diidsiinayaa fashilkiisa hogaamineed oo ah inuu taariikhda ku geli karo inuu noqdo ninkii ay Soomaaliya gacantiisa ku kala tagtay.
▪︎▪︎▪︎DHAMMAAD▪︎▪︎▪︎XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.
Website: moifad.pl.so
Facebook: https://www.facebook.com/Moifad.
Twitter https: https://x.com/MOIFAD.
Tiktok: https://www.tiktok.com/@moifad1.
Instagram:https://www.instagram.com/moifad_dpl…