Wafti ka socda Dowladda Puntland ayaa gaaray magaalada Gaalkacyo ee xarunta gobolka Mudug, iyagoo kulamo la yeelanaya qeynaha kala duwan ee bulshada, booqana doona degmooyinka iyo deegaanada Mudug.
Waftigan oo ah Wasiiro ayaa bixitaankoodu yimid kaddib markii kulankii khamiistii ee Gollaha Wasiirada lagu go’aamiyay in Wasiiradu aadaan gobollada kala duwan ee Puntland, lana kulmaan bulshada, iyagoo la yeelanaya is xog-wareysi.
Marka kulamadu soo dhammaadaan wasiirada ayaa dib ugu soo laaban doono Garoowe, si ay warbixino ugu soo gudbiyaan Gollaha, iyadoo intaa kaddib la qaadi doono tallaabooyin wax looga qabanayo baahiyaha ay soo gudbiyeen ee ka jira gobollada ka duwan ee Puntland.
IDILNEWS