Madaxweynaha Dowladda Puntland Mudane Siciid Cabdullaahi Deni iyo wafdi uu hoggaaminayo ayaa si weyn loogu soo dhoweeyay magaalada Xarfo ee Gobolka Mudug. Madaxweynaha ayaa intuu ku sugnaa halkaasi waxaa uu xariga ka jaray Wadada Xarfo-Buurtinle, oo si dhameystiran oo Laami ah loo dhisay, Dowladda oo kaashanaysa Midowga Yurub iyo UNOPS ayaa suurtagelisay Wadada waxaana Qeybta farsamada dhismaha fuliyay Shirkadda wadaniga ah ee Isxilqaan. Munaasabadda Xarig jarka waxaa ka qeybgalay Wasaaradda Howlaha Guud, Xubno ka mid ah Golaha Wasiirada, Hay’adda Waddooyinka Puntland, Guddoomiyeyaasha Gobollada Nugaal iyo Mudug, Gudoomiyaha Degmada Garoowe, Agaasimaha Guud ee Madaxtooyada, la-taliyaal Madaxweyne iyo masuuliyiin kale oo Dowladda…
Author: Jibril Qoobey.
Madaxweynaha Dowladda Puntland Mudane Siciid Cabdullaahi Deni, ayaa maanta xariga ka jaray Wadada Isku xirta deegaanka Xaarxaar iyo Degmada Buurtinle, wadadaasi oo Hab casri ah oo Laami ah loo dhisay . Dhismaha Wadada Xaarxaar iyo Degmada Buurtinle waxaa hirgelisay Dowladda Puntland oo kaashanaysa Midowga Yurub & UNOPS, waxaana dhistay Wadada Shirkadda Wadaniga ah ee Isxilqaan,hoos ka daawo muuqaalka. Halkan ka daawo muuqaalka
Halkan ka daawo muuqaalka
Diiwaangelinta Codbixiyaasha Doorashada Golayaasha Deegaamada Puntland,ayaa si qurux badan uga socota maalinkii Sadexaad Gobollada Bari,Karkaar iyo Gardafuu. Degmada Waaciye ee Gobolka Karkaar,ayay si degan uga socotaa Diiwaangelinta Cod bixiyayaasha Golayaasha Deegaanka. Bulshada Degmada Dhudhub ee Gobolka Karkaar,ayaa saakay looga dareeray Goobaha diiwaangalinta Codbixiyayaasha Doorashooyinka Golayaasha Deegaanka Puntland.
MADAXWEYNAHA OO XARIGA KA JARAY WADADA LAACDHEERE-RABAABLE OO DHISMAHEEDA LA DHAMEYSTIRAY. Madaxweynaha Dowladda Puntland Mudane Siciid Cabdullaahi Deni, ayaa maanta xariga ka jaray wadad Laacdheere – Rabaable ee Gobolka Nugaal taasi oo dhan 14 KM, oo la dhameystiray dhisme iyo dayactir lagu sameeyay. Wadada Laacdheere-Rabaable ee maanta xariga laga jaray ayaa waxaa lagu hirgeliyay Cashuurtii Shacabka laga qaaday oo Dalka dib loogu celiyay, waxaana dhistay Wadada Shirkadda Wadaniga ah Kebarco. Munaasabadda Xarig jarka waxaa ka qeybgalay Wasaaradda Howlaha Guud, Xubno ka mid ah Golaha Wasiirada, Hay’adda Waddooyinka Puntland, Guddoomiyaha Gobolka Nugaal, Gudoomiyaha Degmada Garoowe, Agaasimaha Guud ee Madaxtooyada, la-taliyaal Madaxweyne…
Ina Canbaashe waayihiisii Diiqnimada ee Sool waa soo afjarantay,waxii hada ka danbeeya ugu yaraan waa lala qaybsanayaa. Laascaanood kaligii wax laga waydiiyo oo SL udaba fadhido,isla markaana Bulshada Deegaanku isaga marti uga tahay Maamulka waa soo gabagabowday. Waxaa ufuran Laba Wado midkood oo kala ah.. 1.In uu isdaad raaciyo oo Kacdoonka qayb ka noqdo. 2.In uu galo colaad sokeeye oo Dhiig badan ku daato macnaha ugu weyn ee kasoo baxayana ay tahay Wiil Beel kale ah in uu hankiisa gaaro. Siyaasadii Somaliland ee Laascaanood way fashilantay waxayna gashay siriq in badan lala gaadayay. Muuse Biixi hogaamintiisa Somaliland waa unaruuro midnimada…
Somaliland khalad weyn oo istiraatijad dagaal ah in ay gashay ayay xaqiiqsatay markii ay Ciidamadeeda ka saartay gudaha Magaalada. Muuse Biixi in badan,ayuu ka war wareegay in uu gudaha Magaalada ka saaro Ciidamadiisa,sababtoo ah waa Askari fahansanaa in ay adkaan doonto ku celintooda. Ciidamadan gudaha ugalay Laascaanood waxay ka faa’idaysteen fursada ay bixisay Somaliland. Dagaal Magaalo laguma kala adkaado oo Boqol Nin oo Guryaha Daaqadahooda kaasoo toogata lagama saari karo. Waxa kaliya ee dhici kara haday SL isku daydo in ay xoog ugu laabato gudaha Magaalada waa xasuuq Dhiig badan ku daato loogana adkaan doono. Sidoo kalena ku noqon doona…
Somaliland xaqiiqdii Siyaasiyan Digsiga ayay ku soconaysaa oo waa Taayiro beeshay. Afar Qodob oo Todobaadkan ay wajahday Hargaysa,waxay ku ahaayeen Madfacyo waa weyn oo ku dhacay…. 1.Kacdoonka Shacabka Laascaanood,waxuu ahaa Madfacii 1-Aad ee ku dhacay hankii Jamhuuriyad Madax banaan. 2.Ka bixida Ciidanka Somaliland ee Gudaha Laascaanood,waxuu ahaa Madfaca 2-Aad ee ku dhacay hankii Jamhuuriyad Madax banaan. 3.Warqadii kasoo baxday Beesha caalamka oo ku ahayd bahdil weyn,ayaa ahayd Madfacii 3-Aad ee ku dhacay hankii Jamhuuriyad Madax banaan. 4.Kulankii ZOOM-ka ee ay iskugu yimaadeen Beesha Caalamka Habeenkii Ciidanka SL ka baxeen gudaha Laascaanood oo lagu go’aamiyay in la dhiso Gudi reer Sool…
Waxaa caawa si rasmi ah degmada Waaciye uga bilaabmay diiwaan-gelinta cod bixiyayaasha Puntland ee Gobolka Karkaar, kaas oo guud ahaan gobolada Puntland ka bilaabmay 5 bishaaan January. Halkan ka daawo muuqaalka 1-aad Hawl-wadeenada ka shaqayn doona Seejooyinka Gobolka Karkaar,ayaa si rasmi ah Shaqadoodii u bilaabay Caawa, iyagoo ka tegi doonaa Degmooyinka iyo Deegaanada hoosyimaada ee Seejooyinka loo calaamadiyay,hoos ka daawo muuqaalka. Halkan ka daawo muuqaalka 2-Aad
Wasaaradaha Difaaca ee Dowlada Fadaraalka Somaliya iyo Imaaraadka Carabta,ayaa heshiis ku kala saxiixday Magaalada Abu Dhabi. Heshiiskan waxa ay Dowlada Fadaraalku ku helaysaa Afar arimood oo muhiim u ah dib udhiska Ciidanka oo kala ah.. 1.Tababaro.2.Qalabayn.3.Saad.4.Dhaqaale. Heshiiskan mahan mid Saldhig looga siiyay Somaliya Dowlada Imaaraadka Carabta ee waa mid ku kooban Tababaro iyo Taageero Ciidan. Imaaraadku waxuu Gacanta ku hayay Xerada tabararada ee Jen.Gordon oo ku taal Muqdisho mudo dheer. Balse Dowladii uu hogaaminayay Farmaajo,ayaa Imaaraadka ka saartay Dalka iskuguna dhufatay Albaabada Xeradaas. Sidaanoo kale Imaaraadku,waxuu Tababaro iyo taageero Ciidan siiyaa Ciidanka Booliska Badda Puntland oo xubin ka ah Dowlada…
Madaxweynaha Kenya William Ruto ayaa qirtay in uu shaqada ka eryay Agaasimihii Hore ee Hay’adda Dambi baarista Kenya, arrintaas oo aan horay loo sii ogeyn. Markii uu Ruto magacaabayay agaasimaha cusub waxa uu sheegay in madixii hore ee Waaxda Dambi baarista uu si iskiis ah xilka isaga casilay. Hase ahaatee madaxweynaha Kenya ayaa hadda sheegay in uu George Kinoti xafiiska uga eryay sababo la xiriira dad la waayay oo si Khasab ah lagu kaxeystay iyo dilal sharciga ka baxsan. Madaxweyne Ruto ayaa shir jaraa’id oo uu xalay qabtay warfidiyeenka ugu sheegay in ay ka go’an tahay sidii uu u xaqiijin…
Barnaamijka bixiya abaalmarinnada lagu raadiyo Caddaaladda ee Wasaaradda Arrimaha Dibadda Mareykanka,ayaa Lacag dhan 10-Milyan oo dolar dul dhigay Madaxa mid ka mid ah hoggaamiyeyaasha ugu sarreeya Al-Shabaab. Bayaan ay shaacisay Dowladda Mareykanka oo lagu faahfaahiyay tallaabadan,ayaa lagu sheegay in laga farxin doono Qofkii keena xog horseedi karta in Gacanta lagu soo dhigo Ninkan oo lagu magacaabo Macalin Ayman. “Waxaan ku yabooheynaa abaalmarin $10-Milyan ah oo lagu bixinayo macluumaadka fududeyn kara in lasoo xiro Macalin Ayman,Waddan kasta oo ay ahaataba,”Ayaa lagu yiri bayaanka. Sida ay sheegtay Dowladda Kenyanka Nnkan,ayaa loo heystaa ku lug lahaanshaha weerar argagixiso oo 5-tii bishii Janaayo ee…
Aqalka Congress-ka ee dalka Mareykanka ayaa maalintii Saddexaad waxaa ka tagaan ismarin waa la xiriira dadaallada ay Xildhibaanada ku doonayaan in ay ku doortaan Guddoomiye cusub. Waa dib u dhacii ugu dheeraa tan iyo dagaalkii sokeeye ee Mareykanka. Kevin McCarthy oo ka tirsan Xisbiga Jamhuuriga, ayaa marar badan ku guuldareystay inuu ka guuleysto xubnaha mayalka adag ee Xisbigiisa. Koox ka mid ah garabka Midig ee Xisbigiisa,ayaa hakiyay isku daygii 11-aad ee la doonayay in lagu doorto isaga maalinta Saddexaad ee Codbixinta. Jamhuurigu waxay la wareegeen Aqalka doorashadii dhexe ee bishii November, hase yeeshee ismari waaga,ayaa ka dhigay Aqalka in ay…
Si macquul ah,ayuu uga hadlay Madaxweynaha Fadaraalku xaalka Laascaanood. “Way na dhibaysaa dhibka Somaliyed laga soo bilaabo SL ilaa meesha ugu danbaysa,xataa kuwa Dowladaha dariska ah”.Ayuu yiri M.Xasan. “Si gaar ah Qof Calankii Buluuga ah lulaya oo hadana dhib ka muuqdo markaan aragno waa na dhibaysaa oo waan udamqanaynaa”Ayuu yiri Madaxweyne Xasan. “Dowlada Somaliland,waxaan leeyahay sidan si ka badalan kuwajaha xaalka oo Geel diday Waxaro lagama dhex qabto ee Dadka usoo dira Dad ay Af mahyaan oo la hadla”Ayuu yiri M.Xasan. “Reer Laascaanood,waxaan leeyahay wada hadal usoo diyaar garooba oo joojiya gubista iyo jabinta dood iyo xal diyaar unoqda”Ayuu yiri…
Booliska Puntland waxuu muujiyay bisayl iyo akhlaaq wanaag. Sugida amniga guud marka laga soo tago,waxay si qurux badan udaadihiyeen diiwaangelinta xasiloonideeda. Si gaar ah waxay dabacsanaan iyo caawimaad ugu muujiyeen Bulshada kuwooda nugul. Waxaa cajiib lahayd siday umaareeyeen Banaanbaxii koobnaa oo lagu soo dhex qariyay Rag Hubaysan si hadii Boolisku ukala cayriyo loo bilaabo Xabad lana yiraahdo Shacabkaa isdifaacayay. Inta Banaanbaxaas koobnaa socday Ciidamada Booliska,waxaa laga fogeeyay Aagii ay iskugu yimaadeen Dadkii lasoo abaabulay si aan loo helin marmarsiiyo lagu soo gabado. Sidoo kale isla Shalay Galab qorshe kale oo Qawadayaashu damceen in ay ku suurad xumeeyaan diiwaangelinta si xirfad…
Maalintii Labaad,waxaa si habsami leh uga socda Gobolka Bari diiwaangelinta Cod bixiyayaasha Doorashada Golayaasha Deegaanka Puntland. Bosaso,ayay uga socotaa si wanaagsan oo xasiloon Dadkuna marba marka ka danbaysa ay soo xoogaysanayaan. Sidoo kale Degmada Carmo,ayay diiwaangelintu si qurxoon oo Dadku si weyn ugu soo baxay ay uga bilaabatay saakay. Degmooyinka kale ee Gobolka Bsri,ayaa iyagana ay ka bilaabatay Diiwaangelintu sida uu noo xaqiijiyay Gudiga Doorashada iyo goob joogayaal Madaxbanaan. Sida la filayo Diiwaangelintu waxay soconaysaa mudo 15-cisho ah haduu rabi idmo.
Ugu horeyn,waa talaabo wanaagsan in Hay’adda Nabad Sugiddu leedahay Sharci iyo nidaam ay ugu shaqeyso Shacabka Somaliyed. Dowladdii Kacaanku waxay abuurtay Hay’adda Nabad Sugidda Sanadkii 1972,iyadoo aan sifo sharci loo dhisin loona abuurtay caburinta shacabka. Golaha Wasiirada Fadaraalka,ayaa Maanta ansixiyay hindise Sharciyeed Xeer unoqonaya 50-sano kadib hay’ada Nabadsugida iyo sirdoonka Qaranka. Hadaba Baarlamaanka Federaalka,ayaa laga doonayaa dhismaha Hay’ad sireed oo ku dhisan sharci laguna ilaaliyay Qodobadan… Qoddobadaas,ayaa la rabaa inuu Baarlamanka Fadaraalku hubiyo.
Puntland Maanta waxay uhayd maalin weyn oo ay si degan ugu bilaabatay diiwaangelinta Cod bixiyayaasha. Wajiga koobaad ee diiwaangelinta oo ka qabsoomaysa Gobolada Bari,Karkaar iyo Gardafuu,ayaa si guul ah ku bilaabatay. Waxay utahay Bulshada Puntland Maalin ay horay ugu dhaqaaqeen guulahooda Dowladnimo. Halkan ka daawo muuqaalka
Kulankii Maanta ee Golaha Wasiirada,ayaa waxa Guddoomiyay Madaxweynaha Jamhuuriyadda Federaalka Soomaaliya, Mudane Xasan Shiikh Maxamuud oo uu wehelinayo Ra’iisul Wasaaraha Xukuumadda Federaalka Soomaaliya Mudane Xamse Cabdi Barre. Madaxweynaha ayaa ku ammaanay Golaha Wasiirada ee Xukuumadda DanQaran in ay diyaariyeen isla markaana soo bandhigeen qorshe sanadeed waafaqsan hiigsiga Qaranka, gaar ahaan dib xoreynta dalka iyo dib u dhiska ciidamada Qaranka. Madaxweynaha ayaa kula dardaarmay Wasiirrada inay wax ka beddelaan hab-dhaqankii hore ee ahaa dhayalsiga hawlaha qaranka iyo isla xisaabtan la’aanta. Kulanka ayaa Golaha Wasiirradu waxay ku ansixiyeen laba sharci oo muhiim ah oo kala ah Aqoonsiga iyo Diiwaangelinta Dadweynaha iyo Hindise…
Si degan oo xasiloon,ayay ku bilaabatay diiwaangelinta Cod bixiyayaasha doorashada Golayaasha Deegaanka Puntland. Diiwaangelintan,ayaa ka dhacaysa Sadexda Gobol ee Bari,Karkaar iyo Gardafuu haatan. Sadex Weji,ayaa loo qorsheeyay Diiwaangelintu in ay uga qabsoonto guud ahaan Puntland oo Wejigan ugu horeeyo. Madaxweyne Deni oo ku adkaystay bilaabida 5-ta Bisha oo saakay ah diiwaangelinta ayay utahay guul ugalaysa taariikhda hogaamintiisa. Puntland oo horay looga qabtay 3-Degmo oo tijaaba ah doorashadood ayay tani utahay nidaamkeedii oo dhaqaaqay kuna tilaabsaday Dimuqraadiyad sax ah. Inkastoo Bulshada dareenkoodu jiro xaalada Laascaanood hadana waa usoo baxeen isdiiwaangelinta.
Aadan Madoobe waa dadaalay,waana qaatay doorkiisii Masuulnimo ee Shacabka Laascaanood. Gudi 10-Xubnood ka kooban,ayuu usaaray soo ururinta xogta dhabta ah ee xasuuqa Shacabka loo gaystay. Balse Laba Xubnood,ayaa iska casilay Gudiga oo kasoo jeeda Beesha Direed cadaadisna laga soo saaray dhanka Hargaysa. Gudoomiye Aadan Madoobe,waxaa laga rabaa in uu Shaqada ufasaxo 8-da Xubnood ee kale oo Gudigu ka kooban yahay. Gudigaas xogtiisu waa umuhiim qadiyada Laascaanood,waxayna wax ka tari doontaa in Muuse lagula xisaabtamo danbiyada uu ka galay Shacabka. Jibril Qoobey.
Madaxweynaha Fadaraalka,waxuu xiriir la sameeyay Madaxweynayaasha Puntland iyo Somaliland. Muuse Biixi waa ka qaban waayay Taleefoonka,waxuuna ka caraysan yahay xogo sheegaya in Dowlada Fadaraalku xiriir lasoo samaysay Isimo Beesha Dhulbahanta ah una soo dirtay dhaqaale. Deni waxay isla fahmi waayeen sida xaalka Laascaanood loo maaraynayo oo loo xakamaynayo xaalkeeda. “Waxay ahayd in aad Shacabka garab istaagto la xasuuqayo,Aniguna waa taageerayaa oo dagaalka waa galaynaa”Ayuu yiri Deni. Madaxweynaha Fadaraalku,waxuu isku dayayaa in uusan dagaal kale oo aan ahayn kan Shabaab lagula dirirayo ka qarxin Somaliya. Jibril Qoobey.
Wax khasaare ah oo iskugu jira dhimasho iyo dhaawac midna masoo gaarin Bulshada Bosaso. Labo Bam-Gacmeed,ayaa lagu tuuray Hotel Jaabir gadaashiisa mana soo gaarin Hotelka. Xiliga,wax dhacayaan waxaa ka socday Hotel kulan balaaran oo ay Bulshada iyo Dowladu ku kulmeen oo looga hadlayay diiwaangelinta. Kulanka oo socday mudo Hal Saac iyo Bar ah,ayaa wax latuuray kumana yeelan saamayn oo sidii loo qorsheeyay,ayuu kusoo idlaaday,sida ay ii xaqiijiyeen qaar ka mid ah Wasiirada. Tuuryadan waa mid argagixiso ama hasoo tuureen koox diidan diiwaangelinta oo xaalad abuuraysa ama argagixisada laftigeeda. Magaaladu aadbay udegan tahay mana laga dareemin Tuuryada xataa Aaga lagu tuuray…
Madaxweynaha Jamhuuriyadda Federaalka Somaliya Mudane Xasan Shiikh Maxamuud oo Madaxtooyada Qaranka kula kulmay Danjireyaasha dalalka Maraykanka, Ingiriiska, Talyaaniga, Itoobiya, Wakiillada Gaarka ah ee Qaramada Midoobey, Midowga Yurub iyo Midowga Afrika ayaa uga warbixiyey miro-dhalka halkan dalka lagaga xoreynayo argixisada Alshabaab. Madaxweynaha,ayaa xusay sida naf-hurnimada leh ee Ciidamada Somaliyed oo kaashanaya dadka deegaanka ay u xoreeyeen deeganno badan oo ka tirsan Gobollada Shabeellaha Hoose, Hiiraan iyo Galguduud, taas oo muujinaysa sida ay uga go’an tahay dowladda in ay ka cirib-tirto dalka argagixisada caqabadda ku noqotay dowladnimada iyo horumarka dadka Somaliyed. Madaxweynaha Jamhuuriyadda Mudane Xasan Sheekh ayaa sheegay in shacabka iyo dowladda…
Falistiiniyiinta iyo Dalal dhowr ah oo Carbeed,ayaa cambaareeyay daandaansina ku tilmaamay, booqasho uu Wasiirka cusub ee amniga Israel uu ku tegay Aagga uu ku fadhiyo Masjidka barakeysan ee Al-Aqsa oo ku yaalla Magaalada Qudus. Mas’uul ka tirsan Falastiin,ayaa sheegay in booqashada uu subaxnimadii hore oo maanta ah uu goobtaas ku tegay Itamar Ben-Gvir oo ka tirsan midigta fog, ay ku eedeynayaan, ra’iisal wasaaraha Israel Benjamin Netanyahu. Sacuudiga, isu-tagga Imaaraadka Carabta, iyo Jordan,ayaa dhamaantood siyaasigan reer Israel ku eedeeyay inuu ku duulay goobtaas oo ah dhismaha masjidka Al Aqsa. Aaagaas waxaa hadda ku cibaadeysta oo ay u furantahay muslimiinta oo keliya,…
Ilhaan Cumar oo laga doorto Degmada Shanaad Magaalada Minneapolis ee Gobolka Minnesota,ayaa markii Saddexaad Talaadadii loo dhaariyay xubin ka tirsan Mudaneyaasha Golaha Wakiillada Congress-ka Mareykanka. Ilhaan oo ka tirsan Xisbiga Dimuqraadiga,ayaa bishii Novermber ee sannadkii hore mar kale dib loo soo doortay. “Kursigani aniga kaliya malehi,waxaa isla leh kumannaanka Qof ee aan ku metelo, kuwaas oo doonaya wakiil u dagaalama” Ayay barteeda Twitter-ka kusoo qortay. Waxay sheegtay in u dagaallami doonto sidii wax looga qaban lahaa cimilada,xuquuda shaqaalaha iyo ilaalinta Dimuqraadiyadda. Ilhaan Cumar,ayaa dabayaaqadii 2018 noqotay Qofkii ugu horreeyay ee Somali-Mareykan ah oo ka mid noqda Congress-ka Mareykanka.
Ugu yaraan 15 qof ayaa ku dhintay, tira kalena waa ku dhaawacmeen laba qarax oo is-miidaamin ah oo ka dhacay degmada Maxaas ee Gobolka Hiiraan. Mid ka mid ah qaraxyadan,ayaa lala eegtay Guri uu Maxaas ka degan yahay xildhibaan Maxamed Abuukar Jacfar oo ka mid ah Xildhibaannada Golaha Shacabka,walow annu Xildhibaan Jacfar joogin Maxaas xilliga uu dhacay Qaraxan. Halka kan kalena uu ka dhacay Guriga Guddoomiyaha Degmada Maxaas Muumin Maxamed Xalane. Ururka argagixisada ah ee Alshabaab,ayaa sheegtay masuuliyadda Qaraxyadan. Maxaas ayaa ka mid aheyd degmooyinkii Ciidamada Dowladda iyo kuwa Deegaanka ay bilhii lasoo dhaafay ka saareen Maleeshiyada argagixisada Al-shabaab. Halkan…
Ra’iisul Wasaaraha Xukuumadda Federaalka Soomaaliya, Mudane Xamse Cabdi Barre ayaa maanta guddoomiyey kulan looga hadlayey xaaladda amniga dalka iyo cuna-qabataynta hubka ee saaran Soomaaliya muddada dheer. Masuuliyiin ka tirsan Wasaaradaha Gaashaandhigga iyo Amniga Gudaha ayaa ka warbixiyay hawlgallada dib u xoreynta, oo illaa hadda guulo waaweyn laga gaaray gaar ahaan gobollada Galgaduud, Hiiraan iyo Shabeellaha Dhexe. Hawlgallada lagu ciribtirayo kooxaha Khawaarijta ayaa lagu dilay in ka badan 2000 oo maleeshiyaad Khawaariij ah afartii bilood ee u dambeysay. Ra’iisul Wasaaaraha ayaa xusay in xukuumaddiisa ay ka go’an tahay ciribtirka Khawaariijta oo hadda wakhtigooda uu gabaabsi yahay. Waxaa kale oo uu sheegay…
Isimada Gobolka Mudug oo Qaybna ka ah Gudiga Hormarinta Magaalada Gaalkacyo,ayaa Go’aano kasoo saaray Cabasho ka timid Ganacsatada. Cabashada Ganacsatada waxay ku salaysan tahay Canshuur kordhin lagu sameeyay Gaadiidka iyo Ganacsiga kalaba. Canshuurta la kordhiyay,waxaa looga dan leeyahay in lagu fuliyo qorshaha horumarineed ee 5-ta sano loo ansixiyay Gaalkacyo. Waxaa muuqata in ay bilaabatay wada shaqayn la tabayay oo dhexmarta Maamulka iyo Dhaqanka si horumarka looga wada shaqeeyo. Halkan ka daawo muuqaalka
Boosaaso, January 04, 2023: Taliyaha Ciidamada Booliska Puntland Sarreeye Guuto Mumin Abdi Shire ayaa kulan ku saabsan sidii hab midaysan looga wada shaqayn lahaa sugudi amniga Doorashada qof iyo cod laqaatay saraakiisha ciidamada qalabka sida Puntland ee gobolka Bari. Shirka waxaa ka qayb ahaa sraakiisha Police,PMPF,Daraawiishta,PISF iyo PICA. Taliyaha Ciidamada Booliska Puntland ayaa saraakiisha ciidamada qalabka sida ee gobolka Bari ka howlagaya doorashada qof iyo cod faray in ay bulshada siwayn loogu dhimriyo inta lagu jiro diwaangalinta doorashada isagoo xusay in laga hortago waxkasta oo amniga lid ku ah. Sidoo kale shirka waxaa qayb ka ahaa Gudoomiyaha iyo saraakiisha ururka…
Bosaaso, January 04, 2023: Wasiirka Wasaaradda Arrimaha Gudaha, Federaalka iyo Dimuqraadiyeynta Dawladda Puntland Mudane Cabdi Faarax Siciid Juxa ayaa shir Guddoomiyey shir heer Wasiir ah oo looga hadlayey u diyaar garowga diiwaangelinta cod-bixiyeyaasha dadweynaha ee Gobolada Bari, Gardafuu iyo Karkaar. Shirkaan oo ka dhacay xafiiska Maamulka Gobolka Bari ayaa waxaa ujeedkiisu ahaa u diyaar garowga diiwaangelinta dadweynaha ee Doorashooyinka Goleyaasha Deegaanka Degmooyinka, taas oo 05/01/2023 ka bilaamandoonta 17 Degmo oo ka mid ah Gobolada Bari, Gardafuu iyo Karkaar. Intii shirku socday ayaa waxaa si qoto dheer looga dooday qorshaha Dawladda ee ku aadan habsami u socodka diiwaangelinta cod-bixiyeyaasha iyo kor…
Muuqaalkan waa Shaqaalaha diiwaangalinta Cod bixiyayaasha Gobolada Bari,Karkaar iyo Gardafuu oo 5-ta bisha ay ka bilaamanayso wajiga koowaad ee diiwaangalinta. Shaqaalahan,waxaa lagu tababaray shuruucda Guddiga, xeerka diiwaangelinta,talaabooyinka ay marayaan Dadka isdiiwaangalinaya,Qalabka ,iyo nidaamka lagu diiwaangalinayo codbixiyayaasha. Guddiga Doorashada Puntland,ayaa lagu amaanay Shaqada baaxada leh iyo dadaalka ay muujiyeen. Halkan ka daawo muuqaalka
Wasiirka Warfaafinta Puntland oo Saxaafada kula hadlay Garowe,ayaa si adag uga hor yimid Maamul ay sheegeen isimada Gobolka Sool qaybtood in ay udhiseen Gobolada SSC. “Maamulka ay ku dhawaaqeen Odoyaasha Dhaqanka si iskood ah oo aysan cidna kala tashan waa la diiday, oo maya,ayaa la yiri”Ayuu yiri Wasiir Caydiid. ” 2018-kii dagaalkii Tukaraq 52-Wiil oo reer Mudug baa ku dhintay Dhulbahante waxaa kaga dhintay Hal Nin oo Gaari ka dhacay”Ayuu yiri markale Wasiir Caydiid oo kasoo jeeda Beesha Jaamac Siyaad. Halkan ka daawo muuqaalka
Dadkii reer Puntland niyadoodii Laascaanood ayay Aaday Diiwaangelina uma soo jeedaan. Waxa ugu daran Ciidamadii oo khatar ugu jira si iskood ah in ay udagaal galaan. Saraakiisha hogaamisa Ciidamada Puntland ee kala duwan dhamaantood niyadoodu Laascaanood ayay jirtaa. Shacabkii caadiga ah ee Puntland laga soo bilaabo Caluula ilaa Goldogob Laascaanood ayay ku jihaysan yihiin. Diiwaangelintii niyad uma hayaan oo waa ka jeesteen. Maalmo ka hor xaalka Laascaanood intuusan soo ifbixin Dadkoo dhan waa Dimuqraadiyaysnaayeen hadase kuwii ugu dhawaa,ayaan niyad uhayn. Qiimaynta aan sameeyay,waxaan ka ururshay qaybaha Bulshada,Ciidamada iyo Siyaasiyiinta. Dimuqraadiyadii Laascaanood baa cuntay. Waa lagu khasban yahay dareenka Shacabka in…
Xiligeedii ayay yimaadeen Musharaxiinta Madaxweyne ee Madaxtooyada Puntland. Balse,waxaa hooseeya miisaankooda Ragga ku bahoobay,waxaana ku jira Musharax loo hakan karo Faarax Cali Shire. Qaar badan oo ka mid ah Magacyada Warqada ku qoran waa boos buuxis macno tiray Madasha miisaankeeda. Weli ma muuqdo hogaamiyihii Deni badeli lahaa 2024 oo uqalma ku fariisashada Kursiga Madaxtooyada Garowe. Jibril Qoobey.
Muuse waxaad moodaa in uu la hadlayo Dadka taageersan oo qura. Tirada Dadkii lagu laayey Laascaanood waa yareeyay, wuxuu soo bandhigay warbixin aan la’aamini karin,sababtoo ah waxay ahayd intaan dhibaatadu cirka isku shareerin in uu soo saaro. Xogaha Sirdoon waxay xaqiijinayaan in markii laga saaray Laascaanood Dadka Raxanweynta ah kadib la ogaaday waxa Dadka laaya in ay yihiin Rag kasoo jeeda Beesha Habarjeclo oo ku hoos jira argagixisada wada shaqayna la leh Maamulka Somaliland. Marna waxay dilaan Qof kasoo jeeda Beesha Bah-ararsame,marka kalana waxay dilaan Qof kasoo jeeda Beesha Jaamac Siyaad,taasoo keentay in Labadan jifo kala shakiyaan. Xogaha lahayo waxay…
Ruushkaa,ayaa qirtay in ciidamo badan looga dilay weerar lagu qaaday saldhig ay ku leeyihiin gobolka Doneska. Qirasho dhif iyo naadir ah oo ay Wasaaradda Gaashandhiga Ruushka shaacisay,ayaa waxaa lagu sheegay in 63-Askari oo Ruush ah ay ku dhinteen weerar ay Militariga Ukraine u adeegsadeen Gantaalada Himars. Waa tiradii ugu badnayd oo Ruushku hal goob looga dilay tan iyo markii uu bilowday duullaanka uu ku qaaday Ukraine bishii Febraayo ee sanadkii tagay. Ciidamada Ukraine,ayaa horay u sheegay in ay ku dileen boqolaal askari oo Ruush ah dukheyn Gantaalo ah oo ka dhacday gobolka bariga ee Donetsk xilligii bilowga sanadkan ka dib…
Saddex meelood meel ka mid ah dhaqaalaha adduunka ayaa sanadkan hoos u dhaci doono sida ay ka digtay madaxa hay’adda lacagta adduunka ee IMF. Kristalina Georgieva ayaa sheegtay in 2023 uu “ka adkaan doono” sanadkii hore iyadoo Mareykanka, Midowga Yurub iyo Shiinaha ay u arkaan in dhaqaalahooda uu gaabis yahay. Waxay ku soo beegmaysaa,iyadoo dagaalka Ukraine uu weli sii xoogaysanayo,Bishii Oktoobar IMF joojisay saadaalinta kobaca dhaqaalaha adduunka ee 2023. “Waxaan filaynaa in Saddex meelood meel dhaqaalaha adduunka uu ku jiro hoos u dhac,”Ayay Ms Georgieva ka tiri barnaamijka wararka ee CBS ee Face the Nation. “Xitaa Wadamada aan hoos u…
Waxaa socda baaritaanno la xiriira askari ka tirsan ciidamada Uganda ee qeybta ka ah howlgalka Midowga Afrika ee Somaliya (Atmis) uu subaxnimadii Isniinta ku dilay Saddex ka mid ah Ciidamadaasi. Toogashada,ayaa ka dhacday xarunta ugu weyn ee Ciidamada Uganda. Waxaa la sheegay in uu ku kacay fal dil ah oo uu ku toogtay saddexda askari. Ciidamada ayaa markii hore mooday in saldhigooda la soo weeraray. Dhibbanaha Labaad,ayaa Saddex Xabbadood lagaga dhuftay Madaxa, isagoo isku dayayay inuu ogaado waxa dhacaya, halka kan Saddexaadna Dhabarka laga toogtay isagoo isku dayay inuu baxsado. Waa dhacdadii ugu horreysay oo muddo dhowr sano ah ka…
Ra’iisul Wasaaraha Soomaaliya Xamsa Cabdi Barre ayaa maanta magacaabay guddiga ku-meel gaar ah oo ka shaqeeya doorashooyinka kuraasta bannaan ee baarlamanka 11-aad ee Soomaaliya. Xamsa,ayaa sheegay inuu magacaabista guddigan ku dhaqaaqay kadib markii uu arkay qodobada 99-aad iyo 100-aad ee dastuurka KMG ah, go’aanka guddiga joogtada ah ee Golaha Shacabka oo tirsigiisu yahay GSH/B11/0522, iyo wareegtadii Lr.60 ee burinta xeer madaxweyne Lr.40 oo uu soo saaray madaxweynaha ee lagu kala diray Guddiga Madaxa Bannaan ee Doorashooyinka Qaranka. Guddigan oo ka kooban sagaal xubnood ayaa kala ah: 1. Cabdiraxiim Cabdullaahi Shaafici2. Cabdirisaaq Diiriye Warsame3. Cabdi Hiis Udan4. Cabdishakuur Abiib Hayir5. Cabdullaahi…
Madaxweynaha Baarlamaanka Midawga Yurub ayaa bilaabay hanaan degdeg ah oo la doonayo in xasaanadda lagaga xayuubiyo laba mudane oo ka tirsan baarlamaanka Midawga Yurub, ka dib codsi uga yimi hay’adaha garsoorka ee dalka Belgium, kuwaas oo baadhaya fadeexad weyn oo musuqmaasuq oo ruxday Midawga Yurub. Baarlamaanka Yurub ayaa Isniintii sheegay in madaxweyne Roberta Metsola, inay ka codsatay dhammaan adeegyada iyo guddiyadu inay mudnaanta siiyaan arrintan, iyada oo la doonayo in la dhameeyo inta ka horraysa bisha February 13-keeda. “Waxaa markii ugu ugu horraysay uu baarlamaanka Midawga Yurub uu sameeyey wax kasta oo awooddiisa ah, si uu uga gacan geysto baadhitaanada…
Dowladii hore Ciidankan kuma soo xulin,kuma qorin,kumana diyaarin Xeerar Ciidan oo ku fadhiya qaab dhismeedka Amniga Qaranka. Dowlada Xasan waxay raacday Wadadii Dowladii ka horaysay,waxayna qoraysaa oo udaabulaysaa dibada Dalka Maleeshiyo loo diyaarsanayo Ciidan. Madaxweyne Xasan oo la filayay in uu dhamaystiro qorshaha Amniga Qaranka weli waa ku dhiiran la’ a yahay hirgelintiisa. Ilaa la helo qaab dhismeed Amni oo Somali ku midaysan tahay majirayaan Ciidamo Qaran oo laysla ogol yahay. Ciidamadana waxay qayb ka yihiin Maleeshiyaadka jooga Bartamaha iyo Koonfurta Somaliya. Halkan ka daawo muuqaalka
Garoowe: 02 January 2023: Madaxweynaha Dowladda Puntland Mudane Siciid Cabdullaahi Deni, ayaa kulan la qaatay Golaha garsoorka Dowladda Puntland, oo isugu xubnaha Maxkamadda Dastuuriga ah, xubnaha Maxkamadda Sare iyo Guddiga Sare ee Maamulka Garsoorka. Kulanka ayaa looga hadlay xaaladda Garsoorka Puntland iyo Sidii loo horumarin laha, sida shuruucda Garsoorka, xarumaha ay ku shaqeeyaan iyo guud ahaan horumarin lagu sameeyo shaqada Garsoorka. Madaxweyne Siciid Cabdullaahi Deni, ayaa ah Madaxweynihii ugu horeeyay ee hirgeliya Maxkamadda Dastuuriga ah, Iyadoo Shacabweynaha Puntland iyo guud ahaan dadka Soomaaliyeed ay siweyn usoo dhoweeyeen arrintaasi. DHAMMAAD XAFIISKA WARFAAFINTA MADAXTOOYADA DOWLADDA PUNTLAND
Diiwaangelinta hala Aado xaalka Laascaanood maarayntiisa Dowlad ku filan,ayaan uleenahay. Xoraynta Laascaanood waa Wajiyo badan tahay kaliya ma’ahan dagaal qaawan waxa lagu xoraynayo.. 1.Midayn Shacab. Dhamaan arimahaas,waxay ubaahan yihiin wakhti iyo dhaqaale in la geliyo. Ma’ahan saakay wax lagu dhaqaaqi karo oo la fulin karo. Shacabka caadiga ah ee reer Puntland waxay muujiyeen dareenkooda qadiyadeed,ehelnimo iyo damiirkooda nool. Sidoo kale Shacabka ku jira gudaha Laascaanood waxay bilaabeen halgan loo baahnaa oo bilow ah. Balse weli kulaylkii looga baahnaa Waxgaradka,Ciidanka iyo Ganacsatada Beesha Dhulbahante ma muuqdo. Laascaanood xorayn bay rabtaa Xikmad ku fadhida ee uma baahna qiiro raqiis ah. Jibril Qoobey.
Xaqiiqdii Madaxweynaha hadalkii looga baahnaa ee ku aadanaa Laacaanood waa jeediyay. Waa cadeeyay mowqifka Dowlada Puntland ee xasuuqa Shacabka Laascaanood. Sidoo kale awaamiir cad-cad,ayuu kasoo saaray waxa Dowladu ka yeelayso maaraynta xaalada taagan. “Sool,Sanaag iyo Cayn waa Dhul iyo Dad reer Puntland,waana difaacaynas”Ayuu yiri Madaxweyne Deni. Madaxweyne Deni,wax uga reeban arinka Laascaano oo hadal ah majiraan,waxa haray waa fulinta qorshaha Dowlada ee xoraynta Laascaanood iyo difaaca Sharafta iyo karaamada Bulshada. “Waa difaacaynaa Sharaftooda iyo karaamadooda,waana muujinaynaa in ay ehel leryihiin oo aan layska layn karin laguna xadgudbi karin”Ayuu yiri Madaxweynuhu. Jibril Qoobey.
Halkan ka daawo muuqaalka
International partners* are concerned about the violence in Laascaanood resulting in civilian deaths and casualties. Preventing violence and ensuring the protection of civilians is paramount. We call for calm and restraint. Tensions must be resolved through de-escalation and dialogue. *African Union Transition Mission in Somalia (ATMIS), Canada, China, Denmark, Egypt, Ethiopia, EU Delegation, Finland, France, Germany, Intergovernmental Authority on Development (IGAD), Ireland, Italy, Japan, Kenya, League of Arab States (LAS), Netherlands, Norway, Qatar, Russia, Sudan, Sweden, Türkiye, Uganda, United Kingdom, United States and United Nations.
Wasiirka Wasaaradda Arrimaha Gudaha, Federaalka iyo Dimuqraadiyeynta Dawladda Puntland Mudane Cabdi Faarax Siciid Juxa ayaa xafiiska ku qaabilay Madaxa xafiiska siyaasadda Qaramada midoobay ee Soomaaliya (UNSOM), Mr Evert Kets. Kulankaan,ayaa waxaa looga wada hadlay xaaladda guud ee Puntland, wada shaqaynta Hay’adaha caalamiga ah iyo Hay’adaha kala duwan ee Dawladda Puntland, dardargelinta arrimaha Doorashooyinka Goleyaasha Deegaanka Degmooyinka Puntland ee hal cod iyo hal qof iyo Xiisadda ka aloosan magaalada Laascaano ee Gobolka Sool. Ugu damayntii Shirka ayaa kusoo dhamaaday Jawi-Wanaaagsan iyo is afgarad laga gaaray dhammaan qodobada hortabinta leh ee shirka looga wada hadlay. Dhammaad. Xafiiska warfaafinta iyo Xiriirka Dadweynaha Wasaaradda…
Suuriya,ayaa sheegtay in dukheymo ay Israa’iil ka geysatay caasimadda Dimishiq ay sababeen in garoonka caalamiga ah ee ugu weyn uu shaqeyn waayo. War qoraal ah oo ay soo saareen Ciidamada Suuriya,ayaa lagu sheegay in laba Askari oo ka tirsan Militariga lagu dilay weerarka. Warbaahinta dowladda,ayaa sheegtay in dukheymo dhanka cirka ah ay sidoo kale ka dhaceen qeybo kale oo ka tirsan Dimishiq. Ma jiro wax hadal ah oo ka soo baxay Israa’iil oo ku saabsan sheegashada Suuriya. Sanadihii la soo dhaafay Israa’iil waxay si joogta ah u weerareysay bartilmaameedyo ku yaalla Suuriya oo lala xiriirinayay Iran.
Dowlada Puntland kama fulinayso hawlgal Mileteri Laascaanood xiligan haba yaraatee. Hal talaabo ayay qaadaysaa oo ah in la taageero Shacabka dhibku soo gaaray. Talaaba walba oo Mileteri oo Puntland ku dhaqaaqdo waxay hiil utahay Muuse Biixi-ga ku fashilmay Siyaasada gudaha iyo dibada ee Maamulkiisa. Dowlada Puntland dagaal wajiyo badan oo Xabada ka macno badan ayay kaga jirtaa Laascaanood iyo xaalkeeda. Sidoo kale looma hakinayo Diiwaangelinta Doorashada ee Gobollada Bari iyo Karkaar ka bilaabanaysa 5-ta Bisha haduu rabbi idmo xaalada jirta. Gacana Shacabka dhibku soo gaaray,ayaa loogu gurmanayaa,Gacanta kalena Dimuqraadiyadaa lagu socod siinayaa. Bulshada caadiga ah ee reer Puntland waa in…
Saaxiibada Beesha caalamka,ayaa ka walaacsan rabshadaha Laascaanood ee sababay dhimashada iyo dhaawaca Dad rayid ah. Ka hortagga rabshadaha iyo xaqiijinta ilaalinta dadka rayidka ah ayaa ugu muhiimsan”Ayaa lagu yiri Warka kasoo baxay BC. “Waxaan ku baaqaynaa xasillooni iyo is-xakameyn, Xiisadaha waa in lagu xalliyaa isdajin iyo wadahadal”Ayaa markale lagu yiri wsrka Beesha Caalamka. Wadamada soo saaray Qoraalkan ee ku midaysan,ayaa kala ah… *Hawlgalka Kalaguurka Midowga Afrika ee Soomaaliya (ATMIS), Canada, Shiinaha, Denmark, Masar, Itoobiya, Wafdiga Midowga Yurub, Finland, Faransiiska, Jarmalka, Urur-Goboleedka (IGAD), Ireland, Talyaaniga, Japan, Kenya, Ururka Jaamacadda Carabta (LAS), Holand, Norway, Qadar, Suudaan, Iswiidhan, Turkiga, Boqortooyada Midowday ee Britain, Dowladda Maraykanka…
Guddoomiyaha Golaha Shacabka Baarlamaanka Jamhuuriyadda Federaalka Soomaaliya Shiikh Aadan Maxamed Nuur (Madoobe) ayaa magacaabay Guddiga Farsamada ee Shirka dib u heshiisiinta Koonfur Galbeed. Halkan ka akhriso:-
Dhamaan Qodobada muhiimka ah ee mudnaanta uleh Dowladnimada hirgelintooda,ilaalintooda iyo xurmayntoodaba waa ka gaabiyay Madaxweyne Xasan Shiikh. 1.Dagaalka Argagixisada Madaxweynihu,wuxuu muujiyay kaligii talisnimo,Eex iyo Musuq. Waxaa muuqata in uusan gaarsiisnayn qorshihiisu mid Qaran ee uu leeyahay mid gaaban oo ku fadhiya Qabiil,dan gaar ah iyo Xukun jacayl. Jibril Qoobey.
Madaxweynaha Jamhuuriyada Fadaraaliga ah,waxuu ku faanay in uu horumar ka sameeyay arimaha qaabdhismeedka Amniga Qaranka,waxuuna dul istaagay in uu heshiis kala gaaray Dowlad Goboleedyada. Hadalkaasi waa deelqaaf uu ku buuxsanayo soo jeedintiisa Sanadka cusub… 1.Majiro heshiis qaab dhismeed Amni oo ay wada gaareen isaga iyo Madaxda Dowladaha Xubnaha ka ah Dowlada Fadaraalka. 2.Weli,waxaa socda dhaqankii Dowladii ka horaysay ee ahaa in la qoro Ciidamo aan lahayn Sharciyad iyo Midab Qaran. 3.Masar,waxaa loo qaaday 850-Askari oo ah Qaybtii ugu horay Maleeshiyo gaaraysa 3500 oo la qorsheeyay in Dalkaas lagu soo tababaro. 4.Eretereya,waxaa loo qaaday ilaa 1500 qayb ka ah Maleeshiyaad 5000…
7-Bilood kadib dhaliisha ugu weyn ee hogaaminta Madaxweyne Xasan dul hoganaysa waa fudayd iyo Kaligii talisnimo aan lagaba filayn xiligan markii lagu qiimeeyo Da’daiisa iyo khibradiisa. Dagaalka argagixisada? Aragtidiisa la dagaallanka argagixisada,waa lasoo dhaweeyay,waxaana loo arkayay in ay tahay mudnaantii oo uu asiibay. Balse si khaldan,ayuu uwajahay oo halkii ay ka ahayd in uu mideeyo Siyaasada amniga fuliyana qorshaha amniga Qaranka ee Dowladii ka horaysay ay ku fashilantay,waxuu la booday abaabulka Maleeshiyo Beeleed. Dagaal in lagu qaado argagixisada,waxaa ka horaysay in Dalka la mideeyo Ciidankiisa oo la dhamaystiro Shuruucda Ciidan lagu qori karo,tirada Ciidamada Somaliya iyo qaybaha ay kala noqonayaan…
Maamulka falastiiniyiinta,ayaa soo dhaweeyay codbixin uu Golaha guud ee Qaramada midoobay kaga codsanayo Maxkamada caalamiga ah ee cadaalada in ay fikrad sharci ka bixiso qabsashada Isra’il ee dhulka Falastiin. Afhayeen u hadlay Falastiin, oo lagu magacaabo Maxamuud Cabbaas, ayaa sheegay in la gaaray xilligii Israa’iil ay hoos imaan lahayd sharciga, isla markaana lala xisaabtami lahaa. 87-Waddan,ayaa taageeray qaraarka Jimcihii oo ay ku jiraan Ruushka, Shiinaha iyo dalal Muslimiin ah. Mareykanka, Britain iyo Jarmalka,ayaa ka mid ahaa dalalkii diiday, iyagoo mooshinka ku tilmaamay mid aan faa’iido lahayn.
Magaalada Gaarisa ee Gobolka Waqooyi Bari ee Kenya waxaa beryahan danbe ku soo badanaya falal danbiyeedyo ay gaysanayaan Dhalinyaro Dadka habeenkii Toorey ku baarta. Dhawaan,ayaa magaalada lagu dilay Dad goor habeen ah khasab lagaga qaatay wixii ay siteen. Haweenay Danyar ahayd caana ka ahayd magaalada oo Danyar oo Caruur ku korsan jirtay Cunto ay Dariiqyada ku diyaariso ayay dhalinyaradaasi Qudha ka jareen. Bulshada Gaarisa,ayaa danbiyadan si weyn uga carooday kuna dhaliilay Maamulka waxqabad xumo.
Sabihullah Mujaahid, oo ah Afhayeenka xukuumadda Talibaan,ayaa sheegay in warqadda ku saabsan mamnuucidda shaqada Haweenka shaqaalaha ah ee gudaha iyo kuwa Ajaanibka ah ee aan dowliga ahayn ee Afgaanistaan loo soo saaray si loo ilaaliyo ixtiraamka iyo sharafta Haweenka. Wasaaradda dhaqaalaha ee Taliban ayaa u sheegtay BBC Pashto in “hay’adaha Qaramada Midoobay ee aysan khusaynin warqadan.” 25-kii bishii Desembar ee Bishii tagtay,ayaa amar ka soo baxay Talibaan Haweenka looga mamnuucay in ay u shaqeeyaan hay’adaha aan dowliga ahayn. Go’aankaas,waxaa cambaareeyay Qaramada Midoobey iyadoo ku tilmaantay tallaabadaasi mid xadgudub ku ah xuquuqda Aas-aasiga ah . Hoggaamiyaasha Taalibaan,ayaa sheegay in Haweenka u…
Waxa aad qabanaysaan waa amaano, amaanadana waa la iskula xisaabtamayaa qof kastana Tixraac buu leeyahay,hadaa TPEC horay ula soo shaqaysay diiwaankaa ku jirtaa oo taariikhdaadu fiicanyahay, hadaa Jaamcad ka timina Jaamacadaa masuuliyadaada qaaday qof kastana waxaa la rabaa inuu sidii loo qorsheeyay shaqada uga shaqeeyo dulqaad iyo dadaalna muujiyo”.Ayuu yiri Gudoomiyaha Gudiga Doorashada. Halkan ka daawo muuqaalka
Halkan ka daawo muuqaalka Hees Macaan